Inersimasunik ilinniartitsisarneq

Kina inersimasutut ilinniarsinnaanersoq

30-nik ukioqalereerpit, inuutissarsiornermullu tunngasutigut naleqquttunik misilittagaqartuullutit, sivikinnerpaamik ukiuni pingasuni piffissaq tamaat sulisarnikkut misilittaqarlutit? Taava inersimasutut ilinniartitsisarneq atorlugu allagartartaarsinnaavutit.

Inersimasunik ilinniartitsisarneq aqqutigalugu ilinniartunngorusukkuit uunnga qinnuteqassaatit, Teknikimik Ilinniarfik, Postboks 1001, 3911 Sisimiut. Qinnuteqarnermi ullunik killiliiffeqanngilaq, imaappoq ukioq naallugu qinnuteqartoqarsinnaavoq. Ilinniarniakkamut piumasaqaatit naammassineqarsimanissaat ajunnginnerpaajussaaq, KISIANNI piumasaqaataanngilaq, inuutissarsiornermullu tunngasutigut naleqquttunik misilittagaqarsimaneq apeqqutaalluni. Atuagarsorsimanermik sulisitsisullu naleqquttumik sivikinnerpaamik ukiunik pingasunik suliaqarlutit misilittagaqarsimaninnik allagartanik ilanngussaqassaatit.

Ilinniartuuteqarnermut isumaqatigiissut

Teknikimik Ilinniarfik, sungiusarfik ilinniartorlu atsioqatigeereerpata aatsaat ilinniarneq aallartinneqarsinnaavoq.

Ilinniarnerup takissusaa (sivisussusaa) Teknikimik Ilinniarfiup, sungiusarfiup ilinniartullu isumaqatigiissutigissavaat.

Inersimasutut ilinniartup aningaasarsiaqartinneqarnera

Ilinniarsimanngitsut nalunaaquttaq akunnermusiallit SIK malillugu, suliffimmi sungiusarneq tamaat inersimasutut ilinniartoq sungiusarfimminit aningaasarsiaqartinneqassaaq.

Inersimasutut ilinniartup atuagarsorluni ilinniarfimmiinnerani akissarsisinneqartarnissaannut inersimasutut ilinniartoq Grønlands Arbejdergiverforening taavalu Sulinermik Inuutissarsiuteqartut Kattuffiata isumaqatigiissutaat malillugit akissarsitinneqartassaaq Teknikimik Ilinniarfimmiit.

Nalinginnarmik ilinniartutuulli, sungiusarfik inersimasutut ilinniartup akissarsiassaanut Namminersornerullutik Oqartussanit taperneqarneq ajorpoq.

Angalaneq unnuinermilu aningaasartuutit

Ilinniarfimmut atuagarsoriartornermi Teknikimik Ilinniarfiup billet, angalanermilu aningaasartuutit isumagissavai akilerlugillu.

Inersimasutut ilinniartoq ilinniartutuulli allatut ilinnartut iniutaanni najugaqartarpoq.

Inersimasunik ilinniartitsisarneq pillugu Namminersornerullutik Oqartussat nalunaarutaat nr. 25, 7. december 2000-imeersoq.