Sanaartornermik Ilinniarfik teknikkikkut ilinniarfiuvoq eqeersimaarfiusoq nutaaliaasorlu ininik sannavinnillu atortulersorluagaasunik pilik.

Ilinniarfik 7300 kvadratmeterit missaannik annertussuseqarpoq, taassumalu saniatigut ineqarfik ullormut inunnut 300-t missaannut inissaqartitsisoq pigineqarpoq.

Sulisut 90-it sinnillit ilinniartitsinermik aammalu ilinniarfiup ilinniartuutaanik atuartuutaanik, ilinniagaqartuutaanik pikkorissartuutaanillu sullissinermik suliaqarput.

Ilinniakkat ilinniaqqinnerillu amerlasuut kiisalu issittumi sanaartornermik suliat pillugit paasissutissiinerit ilinniarfiup ingerlatarai.

Taamaattumik ilinniartitsisuusut ilitsersuisuusullu assigiinngitsorpassuit akisussaaffeqarluartuullutillu pikkorilluinnartuupput.

Nunami inuussutissarsiutinut ilinniakkanut inuiaqatigiit piumasaqaataat, tassa sunilluunniit ilinniagallit amerlassusissaannut aammalu inuit teknikkimik annertunerusumik paasisimasaqarnissaannut, annertusigaluttuinnartut Sanaartornermik Ilinniarfiup naammassisimavai.