Ilinniarnertuunngorniarfik

GUX Sisimiuniittup assigiingitsorpassuartigut soqutiginartunik ilinniagassat tungaasigut sammiveqarpoq, tulluussakkanik illit soqutigisannut angusaqarusussuseqarnernullu ingerlariaqqinnissannut ilinniartutut - Kalaallit Nunaanni avataanilu. Sanaartornermik Ilinniarfik ilisimaneqarluarpoq qiningassaqarpassuaqartoq ilinniakkat tungaasigut, taamaammallu ataatsimoorfiulluarluni ilinniarfiulluni. Ilinniarnertuunngorniarfik nutaajusoq aallarnisaanertalik. Ilinniarnertuunngorniarfik sanaajuvoq aallarnisaanertalerlugu toqqaanertalimmik ilinniarfiusarpoq. Aallarnisarnera ukiup affaanik sivisussuseqartarpoq, aallarnisaaneq toqqagassani tallimaaasuni tamani assigiimmik ingerlanneqartarpoq. Aallarnisaanermi fagit makkuupput kalaalliisut, danskisut, tuluttut, matematik, kulturimut, siunissamut tunngasut (science) kiisalu timersorneq.

Aallarnisarneq naammassineqarpat ilinniarneq toqqakkat tunngavigalugit aallartissaaq. Ilinniarneq toqqakkat malillugit sivisussuteqartarpoq ukiut marluk affarlu. Katillugit assigiinngitsut toqqarneqarsinnaasut tallimaapput Sanaartornermik Ilinniarfimmi. Ilinniarnerup ingerlanissaa ilinniarneq aallartinnginnerani toqqareerneqassaaq. Toqqagarli pituttorsimanngilaq taamaammat aallartisaanerup ingerlanerani toqqarneqarsinnaalluni.