Ilinniarnertuunngorniarnermut tapertaasumik pikkorissarnissaq

Ilinnut ilinniarnertuunngorniarfimmi atuarsimasutut imaluunniit inuussutissarsiornermik ilinniagaqartutut faginilli imaluunniit ilinniarnertuunngorniarnermi killiffinnik amigaateqartumut, ilinniakkamut ingerlaqqiffiusumut soorlu assersuutigalugu ARTEK-imut ingerlaqqinniaraanni piumasaqaataasunik. Illilli soraarummeernermi agguaqatigiissitsilluni karakteerit pitsanngorsarsinnaanngilat, kisianni ilinniakkatigut angusatit piukkunnaatitit pitsanngorsarsinnaallugit, taamaaliornikkut kvote 2-mut akuerineqarnissannut periarfissat annertunerulersillugit.

Danmarks Tekniske Universitetip GUX-Sisimiuni ingerlanneqartussat ilinniakkamik ingerlatitseqqiinissamut akuerineqarnissaq anguniarlugu pikkorissarnerit neqeroorutigai. Sukumiinerusumik atuarsinnaavutit www.adgangskursus.dtu.dk -mi.  

Ilinniakkamik ingerlatitseqqiinissamut akuerineqarnissaq anguniarlugu pikkorissarnissamut kingusinnerpaamik qinnuteqarfissaq tassaavoq maajip aallaqqaataa.

Ikinnerpaamik fagit pingasut toqqassavatit ilinniartuunersiamik aamma kollegiami inissannik qinnuteqarnissamut pisinnaatitaassaguit. Taakku allanneqassapput ilinniakkamik ingerlatitseqqiinissamut akuerineqarnissaq anguniarlugu pikkorissarnissamut qinnuteqaammut immersukkami. Tamatuma saniatigut kajumissuseqartumik qinnuteqaatit ilanngutissavat, tassani nassuiassavat ilinniakkamik ingerlatitseqqiinissamut akuerineqarnissaq anguniarlugu pikkorissarnissamut qinnuteqarninnut illit kajumissuseqarnerit.

Fagit uku tulliuttut arlaat toqqarsinnaavatit:

•      Matematik B/A
•      Engelsk B
•      Fysik B
•      Kemi B

Ilinniakkamik ingerlatitseqqiinissamut akuerineqarnissaq anguniarlugu pikkorissarnissamut qinnuteqaatit online aqqutigalugu qinnutigisinnaavat ugguuna www.sullissivik.gl

NemID-mik peqanngikkuit immersugassaq immersorsinnaavat Ilinniagaqarnissamut qinnuteqaat aamma ilinniagaqarnersiutinik qinnuteqaat, taanna nassiunneqassaaq illit najukkanni Majoriamut.

Paasissutissanik sukumiinerusunik paasisaqarusukkuit, taava adk-ilinniakkamut ilitsersuisoq Adam Jarniewski mailikkut saaffigigissavat: adja@sanilin.gl