Pillugu

Sooq illit ilinniarnertuunngorniassavit?

HTX aamma GU Sisimiuni ilinniarnertuunngorniarnissamut sammivinnik pissanganartunik arlalinnik neqerooruteqarpoq, illit soqutigisannut siunissamilu angorusutannut tulluarsakkanik - kalaallit nunaannut nunanut allanulluunniit ilinniariaqqinniaruit. Sanaartornermik Ilinniarfiup ilaatigut nalunnginneqaatigaa ilinniarfiit sammiviit assigiinngitsut periarfissaammata, taamaattumik ilinniarfigissallugu avatangiiseq tulluartuulluni. 

Ilinniarnertuunngorniarfik nutaaq tunngaviusumik ilinniarnertalik

Ilinniarnertuunngorniarnerup aaqqissuussaanera tassaavoq tunngaviusumik ilinniarneq aamma sammivilimmik ilinniarneq.

Tunngaviusumik ilinniarneq ukiup affaanik sivisussuseqarpoq. Tunngaviusumik ilinniarnermi ilinniarneqartarput kalaallisut, qallunaatut, tuluttut, matematikki, kulturimik ilinniarneq, science aamma timersorneq. Tunngaviusumik ilinniarnerup kingorna ilinniagaq sammivilik aallartinneqassaaq.

Ilinniakkami sammivilimmi ilinniarneq ukiut marluk affarlu sivisussuseqarpoq. Ilinniakkap sammineqarsinnaasut Sanaartornermi Ilinniarfimmi tallimaapput. Ilinniarnerup aallartinnginnerani ilinniakkap sammivia toqqarneqassaaq. Toqqagaq tunngaviusumik ilinniarnerup ingerlanerani allanngortinneqarsinnaavoq.

Sanaartornermik Ilinniarfimmi ilinniakkap sammivii suut qinigassaappat?

Ilinniakkap sammivia oqaasilerineq/nutaanik pilersitsisinnaaneq aamma ilinniakkap sammivia tamatigoortoq Qeqqata Kommunea'niik qinnuteqartunut annertunerusumik tunnganeruvoq taassuma akerlianik ilinniakkap sammivia teknikikkut pinngortitamik ilisimatusarneq Kalaallit Nunaanni sineriak tamakkerlugu qinnuteqarfigineqarsinnaalluni. Qeqqata Kommuneani najugaqanngikkuit ilinniakkallu sammivia oqaasilerineq/nutaanik pilersitsisinnaaneq imaluunniit tamatigoortoq qinerusukkukku immikkut ittumik inuttut/atuartitsissummut tunngasumik tunngavilersukkamillu allagaqassaatit.