Oqaatsinik Pikkorissaavik

KTI-mi Oqaatsinik pikkorissaaneq

KTI-mi Oqaatsinik pikkorissaanerit kissaatigisat pisariaqartitallu aallaavigalugit Kalaallit Nunaat tamakkerlugu oqaatsinik pikkorissaaneq ingerlanneqartarpoq. Immikkoortortaqarfiup aalaakkaasumik neqeroorutigai AMA aamma PKU aqqutigalugit kalaallisut, tuluttut qallunaatullu oqaatsinik pikkorissaaneq.

KTI-mi Oqaatsinik pikkorissaanermik sullitavut inersimasuupput, pisariaqartitaallu aallaavigalugit qaffassarnissaminnut imaluunniit kissaatigineqartumik oqaatsitigut piginnaasaminnik nutarterinissaminnut periarfissaqarput.

KTI-p pisussatut pikkorissarnissamut neqeroorutigineqartut tamarmik toqqissisimanartumik sinaakkusiinermik tamallu assigiinngitsuunerannik aammalu ataasiakkaatut piumasaqaataasussanut isumaginnittuussaaq.

KTI-mi oqaatsinik pikkorissaanerit uummaarissuupput oqaatsinillu ilinniartitsineq pissanganartuuvoq.

Pikkorissarnerit imarisamikkut noqqaassutaapput pikkorissartunut ataasiakkaanut unamminartuullutillu kajumigilersitsisussat. Pikkorissaassutini anguniagarineqarput pikkorissartut angerlarsimaffimminnut apuunnerminni nuannersunik ilikkarfiulluartumillu oqaatsitigut misigisaqarluarsimanissaat. Pikkorissarnerup siunertarivaa pikkorissartumut naleqqussarnermik nutaaliorluni kajuminnerulersitsineq aammalu nukissaqalersitsineq. Minnerunngitsumillu peqataasut tamarmik oqaatsimut toqqakkaminnut atuilernissaminnut nuannaarnerulissasut.

KTI-mi oqaatsinik pikkorissarnerit tapersiissapput sulinermut pingaarutilinnut piginnaasaqalersitsillutik, takornariaqarnermik kiffartuussinermilu sullissisoqarfinni.

KTI-mi Oqaatsinik Pikkorissaavik ugguuna ilisimasaqarfigilernerusinnaavat Oqaatsinik pikkorissaaviit