Inuussutissarsiutitigut ilinniartitaanerit
Siammasissumik tunngaviusumik Ilinniartitaaneq annertuumik nutartigaavoq, danskillu Sanasutut, Qalipaasutut, Ruujorilerisutut aammalu Inersimasunik ilinniartitsisarneq ilinniartitaanerisulli annertutigisunngorlugu naleqqussagaalluni.
Ilinniakkat maanna ukiunik sisamanik sivisussuseqarput. Ilinniarnermi ukioq siulleq suliffimmik misiliineq illoqarfigisamilu ilinniarfimmi atuarneq paarlakaallugit ingerlanneqartarpoq.
Ukiut sinneri pingasut suliffimmik misiliineq brancheskolernerlu paarlakaallugit ingerlanneqartarput. Sanaartornermik Ilinniarfimmi Sisimiuniittumi atuartarnerit pingasuusut tulleriiaarnertik malillugu sap.ak. 18-inik, sap.ak. 18-inik aamma sap.ak. 6-inik sivisussuseqarput.
Ilinniarfimmiinnerup kingulliup sap.ak. kingullersai marluk soraarummeeruteqarnermut atorneqartarput.
Ilinniagaq pillugu erseqqinnerusumik paasissutissat Sanaartornermik Ilinniarfimmi ilinniartunut siunnersortit nalunaarutigisinnaavaat.
Ilinniarneq ukiuni sisamani ingerlanneqartoq:Atuarnerup ingerlanerata takussutissartaa
Inersimasumik ilinniartitsisarneq
Inersimasumik ilinniartitsisarneq pillugu uani paasisaqarnerusinnaavutit.
Qinnuteqarneq
Inuutissarsiuteqarnermik ilinniagaqalerumaguit Kalaallit Nunaani ilinniagaqalerumalluni qinnuteqaammik immersuissaatit. Qinnuteqarfissaq killeqanngilaq qinnuteqaatillu Piareersarfinnut imaluunniit kommunimi ilinniarlernissamut siunnersuisarfimmut tunniunneqassapput. Taamaattoq eqqaaneqassaaq inuutissarsiummik ilinialernerit ukiup ingerlanerani ingerlaavartumik pisarmat, taamaattumik ilinniarneq sukkulluunniit aallartinneqarsinnaavoq.
Inuutissarsiummik ilinnialissaguit sungiusarlutit suliffissannik nassaareersimasariaqarputit. Uani atuaruk qanoq sungiusarlutit suliffissannik qinnuteqarsinnaanerlutit, imaluunnit piarersarfiit aperiuk kommunimiluunniit ilinnialernissamut siunnersuisarfik.