Ilinniartitaaneq danskisut ingerlanneqarpoq, kiisalu ilinniartut Danmarkimeersut aamma Kalaallit Nunaanneersut ilinniartitaanermi ilinniagaqartunngortarput.

Qinnuteqaateqarneq

Ilinniartitaanermi aallartinnissamut qinnuteqaateqateqarneq una Den Koordinerede Tilmelding (KOT) aqqutigalugu ingerlanneqassaaq, taanna illit ujartorsinnaavat aqqutigalugu una www.optagelse.dk.

Kalaallit Nunaanniit qinnuteqaateqartut aammattaaq den koordinerede tilmelding aqqutigalugu qinnuteqaateqassapput – kiisalu taamaammat Kalaallit Nunaanni qinnuteqaateqarnermut immersugassaq atorsinnaanngilaat.

paasissutissaq www.sunngu.gl -mi atuarneqarsinnaapput.

Kingusinnerpaamik qinnuteqaateqarfissaq: 5. juuli

Taamaattorli inaassuteqaatigineqarpoq kalaallit ilinniagaqartut tunngavilersukkamik qinnuteqaateqarnissaat kvote 2-mut, tassunga kingusinnerpaamik qinnuteqaateqarfissaq 15. marsi.

Soraarummeersimaneq aallaartinnissamut atorneqartussaq

Ilinniarnertuunngorniarfimmi ilinniagaqarneq

- danskit ilinniarnertuutut soraarummeernerat (stx), qaffasinnerusumik teknikimut soraarummeerneq (htx), qaffasinnerusumik piareersaataasumik soraarummeerneq (hf), qaffasinnerusumik niuernermut soraarummeerneq (hhx), imaluunniit immikkut ittumik hf-imik ingerlatsisimaneq allat oqaasiinut tunngasumik (GIF)

- Kalaallit Nunaanni GUX, GU, htx imaluunniit hhx

- nunani allanik imaluunniit nunani tamalaat akornanni akuerisaasumik soraarummeersimaneq assingusoq

Ilinniarnertuunngorniarnermik soraarummeersimanermik pigisaqanngikkuit taava DTU-mi ingeniørimut ilinniagaqalernissamut aallartissutaasinnaasumik pikkorissarnermut peqataasinnaavutit.

Aallartinnissamut piumasaaqaatit immikkuualuttut

Matematikki qaffasissuseq A, fysik qaffasissuseq B, kemi qaffasissuseq C aammalu engelsk qaffasissuseq B. Fagit tamarmik angusiffiusimassapput. Taamatuttaarlu pingaaruteqarpoq illit danskit oqaasiinut pikkorissuunissat.

Aallartinnissamut piumasaqaatit immikkuualuttut ilaannik naammassinnissimanngikkuit taava soraarummeerutigisimasatit ilasinnaavatit faginik ataasiakkaanik atuarnikkut uani DTU's Gymnasiale SuppleringsKurser, Sisimiuni imaluunniit Lyngbymi, tassani aasaanerani sulinngiffeqarnerup nalaani immikkut pikkorissarnernik pilertortumik ingerlanneqartartunik aammattaaq peqarpoq.

Aningaasaqarneq

Ilinniagaqarnerup nalaani nalinginnaasumik ilinniagaqarnersiuteqassaatit. Ingeniøritut ukiup affaani sulilluni sungiusarnermi nalinginnaasumik aningaasarsiaqartitsisoqarpoq.

Danmarkip aamma Kalaallit Nunaata akornanni illit angalasarninnut akiliunneqartassaatit. Ilinniagaqartunut danskinut Kalaallit Nunaannut angalaneq Center for Arktisk Teknologi akilerneqartarpoq aamma Danmarkimut feeriarluni angalaneq; ilinniagaqartunut kalaallinut Kalaallit Nunaanni Namminersorlutik Oqartussat nalinginnaasumik maleruaqqusaat atuutsinneqarput.

Ineqarneq

Sisimiuni ilinnut qularnaarneqarpoq kollegiami nutaaliaasumi akikitsumik ineeraqarnissat. Danmarkimi illit nammineq sumi najugaqarnissat isumagisariaqarpat, kisianni piffissami siusissukkut qinnuteqaateqaraanni taava nalinginnaasumik pilertortumik ineeqqamik neqeroorfigitittoqartarpoq, soorlu assersuutigalugu Polyteknisk Foreningip kollegiaataani, tassa Kalaallit Nunaanniit Danmarkimut nuunnermut atatillugu.