Paasissutissat

KTI Aatsitassalerinermik Ilinniarfik 2008-mi aallartippoq taaguuteqarluni Bjergværksskolen KTI Sanaartornermik Ilinniarfimmiilluni. Ilinniarfittaap anguniagaraa Kalaallit Nunaanni aatsitassalerinissamut sulisussanik ilinniartitsineq.

2010-mi illorsuartaaq naammassivoq aamma ilinniartitsinermi atortussanik nutaanik pisiortortoqarpoq.

2011-mi ilinniarfiup taaguutaa Namminersorlutik Oqartussanit allanngortinneqarpoq Mine- og Entreprenørskolenimiit tassaalerluni KTI Aatsitassalerinermik Ilinniarfik (Greenland School of Minerals & Petroleum). Tamanna ilutigalugu ilinniartitaaneq annertusineqarpoq Kalaallit Nunaanni aatsitassanik piiaaneq tamaat, kiisalu nunami immamilu aatsitassalerineq ilanngunneqarluni.

2012-imi KTI Aatsitassalerinnermik Ilinniarfiup inuussutissarsiutitigut ilinniakkat nutaat marluk aallartippai: Qaarusummi sulisoq  aamma Sanaartornermi maskiinanik ingerlatitsisutut ilinniarsimasoq, qaarusummi sanaartorfiullu iluani svenditut allagartamik pissarsissutaasinnaasoq. Inuussutissarsiutitigut ilinniakkat taakku marluk maanna ataatsimoortinneqarput: Sanaartornermi maskiinanik ingerlatitsisoq aamma Qaarusummi sulisoq, taakku pisortatigoortumik atuutilissapput august 2024-miit.

2013-imiit KTI Aatsitassalerinermik Ilinniarfik ilinniarfittut maskiinanik ingerlatitsisutut ilinniarfittut uppernarsaammik allagartaqalerpoq norgemiut malittarisassaat najoqqutaralugit (nunat tamat).

Ilinniartitsinikkut piginnaasaqarnerit pitsanngorsarniarlugit ilinniartitsisut Skandinaviameersunik, Canadameersunik USA-meersunillu ilaneqartarput.

KTI Aatsitassalerinermik Ilinniarfik suliffeqarfinnik aatsitassalerisunik arlalippassuarnik Atlantikup avannarpasissuaniittunik suleqateqarpoq. Ilinniarfiup maanna suleqatigai:

• FING (Færøerne, Island, Norge, Grønland) Samarbejdet              
• Ole Vig Videregående Skole                                             ole-vig.vgs.no
• Kirkenes Videregående Skolen                                         kirkenes.vgs.no
• College of North Atlantic                                                  cna.nl.ca
• Colorado School of Mines                                                  mines.edu
• University of Utah                                                             utah.edu 
• University of Alaska-Fairbanks                                         uaf.edu

KTI Råstofskolen professionelle medlemskaber

• European Federation of Explosives Engineers (EFEE)          efee.eu
• Dansk Sprængteknisk Forening                                           explosives.dk
• NOORSI- Norsk Organisasjon for Sikkerhetskompetanse   noorsi.no
• Norsk Forening for Fjellsprengningsteknikk (NFF)              nff.no
• Canadian Diamond Drilling Association (CDDA)                   cdda.ca