Inersimasunik Ilinniartitsisarneq
Kina inersimasutut ilinniarsinnaanersoq
30-nik ukioqalereerpit, inuutissarsiornermullu tunngasutigut naleqquttunik misilittagaqartuullutit, sivikinnerpaamik ukiuni pingasuni piffissaq tamaat sulisarnikkut misilittaqarlutit? Taava inersimasutut ilinniartitsisarneq atorlugu allagartartaarsinnaavutit.
Inersimasunik ilinniartitsisarneq aqqutigalugu ilinniartunngorusukkuit uunnga qinnuteqassaatit, Sanaartornermik Ilinniarfik, Postboks 1001, 3911 Sisimiut. Qinnuteqarnermi ullunik killiliiffeqanngilaq, imaappoq ukioq naallugu qinnuteqartoqarsinnaavoq. Ilinniarniakkamut piumasaqaatit naammassineqarsimanissaat ajunnginnerpaajussaaq, KISIANNI piumasaqaataanngilaq, inuutissarsiornermullu tunngasutigut naleqquttunik misilittagaqarsimaneq apeqqutaalluni. Atuagarsorsimanermik sulisitsisullu naleqquttumik sivikinnerpaamik ukiunik pingasunik suliaqarlutit misilittagaqarsimaninnik allagartanik ilanngussaqassaatit.
Ilinniartuuteqarnermut isumaqatigiissut
Sanaartornermik Ilinniarfik, sungiusarfik ilinniartorlu atsioqatigeereerpata aatsaat ilinniarneq aallartinneqarsinnaavoq.
Ilinniarnerup takissusaa (sivisussusaa) Sanaartornermik Ilinniarfiup, sungiusarfiup ilinniartullu isumaqatigiissutigissavaat.