Qallunaatut modul 1

QALLUNAATUT ILINNIARIT
Oqaatsinik ilinniarneq piffissamik atuiffiuvoq. Ilinniarnerup ingerlanera sivisuvoq.
Pikkorissarneq sioqqullugu piareersarnissaq pingaaruteqarpoq, pikkorissareernerullu kingorna ilinniaqqittuarnissaq aamma pingaaruteqarluni.
Pikkorissarneq sioqqullugu kingornatigullumi ilinniarnissannut ikiorneqarsinnaavutit – ilaatigut Oqaatsinik Pikkorissarfiup nittartagaa atorlugu ilaatigullu aamma internitsi aqqutigalugu.

Modulit
Oqaatsinik Pikkorissarfiup neqeroorutigai qallunaat oqaasiinik pikkorissarnissaq Modul 1-imiit Modul 4-mut.

Misilitsinneq
Qallunaat oqaasiinik qanoq piginnaaneqartiginersutit paaserusupparput. Taamaalilluta ilinnut naleqquttumik pikkorissaasinnaavugut. 

Najuulluni pikkorissarnerit
Sisimiuni sapaatit akunneri marluk atorlugit pikkorissarsinnaavutit. Pikkorissarnerit sapaatip akunnerinik marlunnik sivisussuseqarput, ullormullu akunnerit atuartitsiviit arfineq-marlunnik sivisussuseqarlutik, taamaalillutik akunnerit atuartitsiviit 70-it atorneqassapput. Ilinniartitaaneq qallunaat oqaasii atorlugit ingerlanneqartarpoq. 

Ilinniarfik najornagu ilinniartitsineq
Qallunaat oqaasiinik pikkorissareernerit ilaasa kingorna angerlareerninni qallunaat oqaasiinik pikkorissaqqinnissannut periarfissaqarputit. 

Pikkorissarnerit allat
Oqaatsinik Pikkorissarfik attavigalugu ilinnut/ilissinnut naleqqussagaasumik pikkorissarnissaq pillugu saaffiginnissinnaavutit sulisitsisullunniit saaffiginnissinnaalluni. Ilinniartitsisoq illoqarfigisannut takkussinnaavoq pikkorissarnerlu sivikinnerusumik sivisunerusumilluunniit ingerlanneqarsinnaalluni.

Qinnuteqarneq

PKU aqqutigalugu pikkorissarneq ilinniarsimanngitsunut suliffeqanngitsunullu aaqqissuussaavoq. Suliffeqanngitsunut qinnuteqarneq pillugu Majoriaq aqqutigalugu qinnuteqartoqassaaq.

Ilinniarsimanngitsutut sulinermi suliffeqarfiup aqutsisuanit pikkorissarneq qinnutigineqassaaq.

-----------------------------------------------------------------------

Oqaatsinut misiliut

Qallunaatut oqaatsinut - misiliut 

Misiliutit pdf-iupput (allanngortinneqarsinnaanngillat). 
Chrome aamma Firefox browsoritut atoraanni, taava nalinginnaasumik ajornartorsiutitaqanngitsumillu filit aaneqarsinnaasarput. 
Internet Explorerili atorukku immaqa nalunaarut takkutissaaq Oqaatsinik Pikkorissarfiup nittartagaa isumannaatsuunngitsoq. 

Taamaatoqarpat imaaliorsinnaavutit:

  •                            sikkerhedsindstillingii allanngortillugit

imaluunniit

  •                            pdf-it browserimi allami ammarlugit

imaluunniit

  •                            sprogcenter@kti.gl allaffigalugu mailikkut misiliummik nasseqqulluni