Tuluttut Pikkorissaaneq - Aasianni
KTI Oqaatsinik Pikkorissaaviup Qeqertalik Business Council A/S suleqatigalugu tuluit oqaasiinik pikkorissaanissamut Aasianni ingerlanneqartussami piffissami februaarip 5-niit 9-at 2024 ilanngullugu neqeroorutigaarput – taakkualu toqqaannarnerusumik tuluit oqaasii atorlugit attaveqaqatigiinnerulernissamut pisariaqartitsisunut aaqqissuussaallutik.
Pikkorissaaneq kalaallisut ilitsoqqussaralugu oqaasilinnut tuluttut oqalussinnaalernissamut naatsorsuutaavoq.
Pikkorissaanerit attaveqaqatigiinnernik piviusunik aallaavilinnik imaqartuupput, - oqaatsinillu ataasiakkaanik amerlanerusunik atuilernissamik siunertaqarlutik, taamaasilluni ajornannginnerusumik tuluit oqaasii atorlugit attaveqaqatigiittarnissaq angujumallugu.
-----------------------------------------------------------------------
Oqaatsinut misiliut
Tuluttut oqaatsinut - misiliut
Misiliutit pdf-iupput (allanngortinneqarsinnaanngillat).
Chrome aamma Firefox browsoritut atoraanni, taava nalinginnaasumik ajornartorsiutitaqanngitsumillu filit aaneqarsinnaasarput.
Internet Explorerili atorukku immaqa nalunaarut takkutissaaq Oqaatsinik Pikkorissarfiup nittartagaa isumannaatsuunngitsoq.
Taamaatoqarpat imaaliorsinnaavutit:
- sikkerhedsindstillingii allanngortillugit
imaluunniit
- pdf-it browserimi allami ammarlugit
imaluunniit
- sprogcenter@kti.gl allaffigalugu mailikkut misiliummik nasseqqulluni