Tuluttut modul 1

TULUTTUT ILINNIARIT
Oqaatsinik Pikkorissarfimmi tuluttut ilinniarusuttunut arlalinnik neqerooruteqarpugut. Ulluinnarni nalinginnaasumik tuluit oqaasiinik atuininnut imaluunniit suliffinnut naleqqussagaasumik aammalu aatsitassarsiornermi tuluit oqaasiinik atuininnut (immikkut aatsitassarsiornermi qaarusulerinernut uuliasiornernullu pikkorissaanerit).

Najuulluni pikkorissarnerit
Najuulluni pikkorissarnerit ullunik 14-inik sivisussusillit neqeroorutigaagut. Pikkorissarnerit Sisimiuni aallaaveqarput, Kalaallit Nunaannili sinerissami kommunit suleqatigalugit tuluttut pikkorissarnerit aamma neqeroorutigaagut. Tamatigut pikkorissarnermi pilersaarummi takuneqarsinnaapput sumi pikkorisaanerit ingerlanneqarnersut.

Pikkorissarnerit immikkut ittumik aaqqissuussat
Immikkut ittunik kissaateqaruit pisariaqartitsiguillu, periarfissaqarputit pikkorissaanerit naleqqussakkat pisiarissallugit.

Exeter Academy
Aammattaaq Oqaatsinik Pikkorissarfiup Tuluit Nunaanni Exeter Academy suleqatigalugu oqaatsinik pikkorissarneq aqutaraa, najugaqarnermilu Namminersorlutik Oqartussat tapiissuteqartarput.
Exeter-imi oqaatsinik pikkorissarneq pillugu annertunerusumik atuarit.

Qinnuteqarneq

PKU aqqutigalugu pikkorissarneq ilinniarsimanngitsunut suliffeqanngitsunullu aaqqissuussaavoq. Suliffeqanngitsunut qinnuteqarneq pillugu Majoriaq aqqutigalugu qinnuteqartoqassaaq.

Ilinniarsimanngitsutut sulinermi suliffeqarfiup aqutsisuanit pikkorissarneq qinnutigineqassaaq.

-----------------------------------------------------------------------

Oqaatsinut misiliut

Tuluttut oqaatsinut - misiliut 

Misiliutit pdf-iupput (allanngortinneqarsinnaanngillat). 
Chrome aamma Firefox browsoritut atoraanni, taava nalinginnaasumik ajornartorsiutitaqanngitsumillu filit aaneqarsinnaasarput. 
Internet Explorerili atorukku immaqa nalunaarut takkutissaaq Oqaatsinik Pikkorissarfiup nittartagaa isumannaatsuunngitsoq. 

Taamaatoqarpat imaaliorsinnaavutit:

  •                            sikkerhedsindstillingii allanngortillugit

imaluunniit

  •                            pdf-it browserimi allami ammarlugit

imaluunniit

  •                            sprogcenter@kti.gl allaffigalugu mailikkut misiliummik nasseqqulluni