Anguniakkat

Teknikimik Ilinniarfiup ilinniagarititai Inatsisartut Inatsisaat nr. 19 19. maj 2010-meersoq malillugu ingerlanneqartarput.

Inuutissarsiutinik Ilinniartitsinermut inatsimmi §28 malillugu Teknikkimik Ilinniarfiup suliassaasa ilaat ukuupput:

inuusuttut ilinniagaqarnissaannut kaammattuinissaq, tassuunalu ilinniagaqarusuttut ilinniaqqikkusuttullu periarfissinnissaat, kiisalu ilinniakkanik ilinniaqqinnernillu assigiinngiiartunik qinigassaqartitsinissaq
ilinniakkanik periarfissiinissaq, tassuunalu tunngavissiuinissaq siunissami sulilersinnaassallutik, inuttut ineriartorlutik, nunatsinnut ineriartornermullu tunngasunik paasisaqassallutik
ilinniakkanik periarfissiinissaq, suliffeqarfiit pisariaqartitaat ineriartornerlu malillugit, taassuma ataani suliffeqarfiit ineriartornerat, suliffeqarfiit aaqqissugaanerat teknologiimullu tunngasunik ilisimasaqassallutik
ilinniakkanik periarfissiinissaq, ilinniartut nunatsinni nunattalu avataani ilinniaqqissinnaaqqullugit.

Teknikimik Ilinniarfiup ilinniakkanik ilinniarfiup iluani qaffassaanera Namminersorlutik Oqartussat, Kommuunit suliffeqarfiillu ineriartortut qanimut suleqatiginerisigut ingerlanneqassaaq. Tamakkua saniatigut Teknikimik Ilinniarfik nunatsinni teknologiikkut suliffeqarfiillu ineriartortittuaannarnissaanut peqatassaaq.