Atuarfimmi praktikkernermik aaqqissuussineq (SKP) KTI Saviminilerinermik Ilinniarfik, 3900 Nuuk.

Atuarfimmi praktikkernermut ilanngutsinneqarnissamut piumasaqaatit

Ilanngutsinneqarnissamut piumasaqaatit nalinginnaasumik ilinniartitaanermi piumasaqaatit assigaat. Aaqqissuussinermi tamatumani ilinniartup nalinginnaasumik piffissaq ilinniarfimmiinnissani malissavaa, praktikkerluni ingerlaneq atuarfimmi ingerlanneqartoq ilinniakkamut tunngatillugu tulluartunik suliaqarnermik ingerlanneqassaaq. 

Sulinngiffeqarfik (feeria)

Atuarfimmi praktikkermut ilaavoq sapaatit akunnerini tallimani sulinngiffeqarfissaq.

Ukiumut ataasiarluni sulinngiffeqarnermi angalanissamut qinnuteqarsinnaapput, EQQAAMAJUK illit nammineerlutit tamanna qinnuteqaatigissagakku.

Qitornaqaruit taava juullimut atatillugu angalanissamut akiliunneqarnissaq qinnuteqaatigisinnaavat piffissap atuarfiusup ukiup affaata missaanik sivisussuseqartup kingorna.

Suliartortarnerit

Atuarfimmi praktikkerneq atuarnertut isigalugu paarlaanneqassanngilaq, tamanna suliffeqarfimmi nalinginnaasumik sulinertut isigineqassammat.

Suliartortarnerit ullut tamaasa piffissami 8:00-imit 16:00-imut inissisimapput, piffissami tassani qiteqquttoqartarpoq pingasoriarluni, ullaap tungaani aamma ualikkut minutsit 15, ullup qeqqanut nal. akunnerata affaa. 

Akissarsiat

SKP ingerlanneqarnerani ilinniartoq ilinniagaqarnersiuteqarnissaminut pisinnaatitaavoq, tak. Ilinniagaqarnersiutit pillugit Inatsisartut inatsisaat nr. 12, 22. november 2011-imeersoq. Ingerlaqqiffissakkut inatsit takuuk.

http://lovgivning.gl/lov?rid={4C7C97EB-9F0C-4972-9B5B-39EFBDB73170}

Akissarsiat ukiumut qaammatini 12-ini tunniunneqartassapput, ilinniagaqarnersiutit maannakkut qaammammut 4200 koruuniupput, malugiuk ilinniagaqarnersiutit kingumoortumik tunniunneqartarput. Meeqqamut tapisinianik qinnuteqaateqartoqarsinnaavoq meeqqamut ataatsimut 1000 koruunit.

SKP-p ingerlanerani atukkiunneqarsinnaaneq

Ingerlatsinerup nalaani suliffeqarfinnut praktikkerneq/atukkiunneqarneq ingerlanneqarsinnaavoq, taanna ilinniartumut periarfissaavoq praktikkernissamut isumaqatigiissuteqavinnissamik qulakkeerinninniarnermi. Piffissaq praktikkerluni atorneqarsinnaajunnartoq ukiunut marlunnut ilanngunneqassaaq. Atukkiunneqarnermut uppernarsaammik suliaqartoqassaaq.

Atukkiunneqarneq

Ilinniartut suliffeqarfimmut atukkiunneqarsinnaapput, inatsisinut aamma ilinniartitaanermut tunngatillugu akisussaaffik suliffeqarfimmiippoq ilinniartumik atuinissamik isumaqatigiissuteqarsimasumi.

ilinniartup aamma suliffeqarfimmi piginnittup akornanni atukkiunneqarneq pillugu allaganngorlugu isumaqatigiissumik suliaqartoqassaaq tassani nassuiaassutigineqassapput atukkiunneqarnerup sivisussusia aamma suliatigut sunik imaqarnera.

Praktikkerfigisaq praktikkerfissatut akuersissutigineqarsimasuussaaq aammattaaq sillimmasiinernik pisariaqartunik sillimmasiissuteqassalluni. Akuerineqarnissamut ingerlaqqiffissaq takuuk.

http://www.tasiorti.gl/2-arbejdspladsen/2f-godkendelse-som-uddannelsessted.aspx

EMMA - tunngaviit

E - Piukkunnartuuneq: Illit piukkunnartutut akuerineqareersimavutit kiisalu atuarfimmi praktikkerninni atuarfimmiinnissamut aggersarneqassaatit. Ingerlanerup nalaani atuarfimmi atuartinneqarnikkut aamma atuarfimmi praktikkernikkut ilisimasaqalissaatit. Tamanna imatut paasineqassaaq, illit suliffiup nalaani peqataassaatit aamma maleruaqqusat atuuttut malissallugit isumannaallisaanermut il. il. tunngasut. Illit ullut tamaasa suliartortassaatit. Ileqqulersornerit nalilersorneqassaaq aamma pingaaruteqarpoq piffissamik suliffiusumik kiisalu isumaqatigiissutaasunik eqquutsitsinissat.

M – Nunap immikkoortiternerani nikissinnaaneq: Piumasaqaat imatut paasineqassaaq illit periareersimaffigissagakku nuunnissat sumiiffimmut praktikkerfissalimmut.

M – Suliatigut nikissinnaaneq: Illit piareersimaffigissavat suliami suliassanik assigiinngitsunik suliaqartinneqarsinnaanerit.

A – Qinnuteqaateqartarnernik ingerlatsineq: Illit qinnuteqaateqartarnernik ingerlatsissaatit tamannalu uppernarsaasersussavat qinnuteqaatigisartakkannik. Tamatumani pineqarput illit nammineerlutit suliffeqarfimmut ornigussimaguit imaluunniit allaganngorlugit qinnuteqaammik nassiussisimaguit. Assit atorlugit uppernarsaasersuissaatit asersuutigalugu mobilit atorlugu atuarfimmi prakatikkernini suliatit pillugit, assillu taakku praktikkerfissarsiorfinnut takutittassavatit. Qinnuteqaatigisimasatit pillugu malitseqartitsillutit paasiniaasassaatit.

Qinnuteqaatit

Sapaatit akunneranut ataasiarlutik SKP-mik ingerlatsisut katersorneqartassapput qinnuteqaateqarnissamut ilinniartinneqarlutik aammattaaq qinnuteqaammik allannissamut periarfissaqassapput.

Suliassanut piumasaqaatit

Ilinniartunut suliassat isumallit suliassanngortinneqartassapput tassa imaappoq suliassat suliffeqarfinni praktikkerfiusuni suliarineqartartunut assingusut, kiisalu ilinniarnerup sinneranut aamma soraarummeernissamut/svendeprøvernissamut piginnaasaqalersitsisut.

Sullissinernik aamma nioqqutinik tunisisoqartillugu akigitinneqartunik aalajangersaaneq aalajangerneqartassaaq, atortunut atorneqartunut tamanut aningaasartuutinik matussusiinissamik ileqqoq tunngavigalugu.

Pisititsinermut allattuiffimmik pilersitsisoqassaaq sammisanut pingasunut, pisititsinissamut isumaqatigiissutit tulleriiaarnerat ilitsersuisut inspektørimut isumaqatigiissutigissavaat. Suliassat imminnut ataqatigiinnerat ataani assersuummut assingussapput.  

 

   

Naatsorsuutigineqarsinnaanngilaq suliassat taamaallaat KTI-mi ingerlanneqartarnissaat taamaattumik ilitsersuisut aamma ilinniartut naatsorsuutigisariaqarpaat “anisassallutik”. Tamatumunnga atatillugu periarfissaqartillugu sumiiffimmi kantiinaqarpat il. il. tamakku atorneqarsinnaanerat.

Peqataalerneq

SKP-mik ingerlatsisut ilaneqarsinnaapput. Taamaattumik atuarfimmi praktikkertunik peqataalersitsineq sapinngisamik kingusissukkut pisariaqarpoq ullup aallartiffiup kingornatigut, taamaattorli inissaqartitsinerup qanoq inissisimanera aammattaaq eqqarsaatigineqassaaq.