Siunertaa

Peqataasoq pikkorissareernermi suliffeqarfimmilu pisariartumik ilitsersuunneqareernermi kingorna usinik ulorianartunik toqqorsivimmut eqqortumik inissititereqataasinnaalersimassaaq.

Peqataasuttaaq usit ulorianartut nassiunissaanut piareersarsinnaalersimassavai, poortorsinnaalersimassavai, ilisarnaasersorsinnaalersimassavai, suliarisinnaalersimassavai inissititersinnaalersimassallugillu, nunatsinni nunarsuarlu tamakkerlugu malittarisassat malillugit malittarisassat ADR, RID, IMDG aamma ICAO-TI imaluunnit IATA-DGR malillugit. Annertunerpaamilli suliassani aalajangersimasuni malittarisassat malillugit soorlu quersuarmi, talittarfimmi imaluunniit pisiniarfimmi.

Peqataasuttaaq suliassani sillimanissamut avatangiisinullu isumannaatsumik suliarisinnaalersimassavai nioqquteqartut akuutissanut atortunut sillimanissamullu innersuussutaat malillugit.

Peqataasoq aamma toqunartulinnik iisisoortoqartillugu, syrimik attuisoortoqartillugu kiisalu uutitertoqartillugu ajoqusertumut ikiueqqaarsinnaassaaq.

Pikkorissareernerup kingorna peqataasut ukunannga piginnaasaqalersimassapput

  • Akuutissat pingaarnertut ulorianaateqarfiisa piginnaasaallu nassuiarsinnaassavaat, ajoqusiisinnaaneri malillugit immikkoortiterneqarnissaannut tunngaviusussat.
  • Usit ulorianartut eqqortumik nassiunneqarnissaannut piareersaaneq.
  • Akuutissanik atortunillu qaariaannaasunik angallassinissamut navianaateqarsinnaasunik nassuiaaneq.
  • Eqqortumik issoraassineq immikkoortiterinerlu.
  • Angallassinissamut pappiaqqat pisariaqartut immersussallugit kiisalu poortuutissat eqqortut atorneqarsimanersut nalilersussallugu.
  • Peqataasup sulinermini sillimanissamut malittarisassani inummut illersuutaaqqusaasut malissavai.
  • Peqataasoq qatserutinik nalinginnaasunik atuisinnaanermik ilisimasaqassaaq, taakku toqqorsivinni assartugalerivinnilu ikuallannerni annikinnerusuni atorneqartarput.

Peqataanissamut piumasaqaataasut

Pikkorissaqataasinnaapput inuit quersuarni, talittarfinni, assartugalerivinnilu usinik ulorianartunik suliffiusuni sulisuusut sulilerusuttullu.