Qinnuteqartunut ilitsersuut
Pikkorissarnerit
Aatsitassalerinermik Ilinniarfik pikkorissarnerit PKU arlallit ingerlattarpai suliffeqanngitsut ilinniagaqanngitsut aamma sulisartut ilinniagaqanngitsut piginnaasanik nutaanik ilinniarsinnaasunngorlugit aamma suliffimmik pitsaasumik periarfissaqarnerulersillugit. Ilinniarfiup pikkorissaanerit aatsitassalerinerup sanaartornerillu iluani piginnaasat ukkatarai.
Maskiinanik ingerlatitsisoq Surface Mining – sanaartornermi maskiinanut arfinilinnut ingerlatitsisuunissamut uppernarsaat nunat tamat akuerisaat pissarsiarineqassaaq.
Rigging & Lifting
Pikkorissartup ilinniassavai isumannaatsumik illersorneqarsinnaasumik:
- Kivittaatip nivinngaavianut usinik/atortunik aalajangiineq
- Atortunik pituutarsuarnik sisamaasunik aamma nivinngaavinnik saviminiusunik kivitsineq
- Usinik atortunillu nuussineq
Qamutit qillerutit pillugit pikkorissarneq – Borevogn - Qamutit qillerutit Kalaallit Nunaanni sulinermi piginnaasat pingaaruteqartorujussuupput. Illunik nutaanik, umiarsualivinnik nutaanik aamma mittarfinnik nutaanik sanaartortoqartarpoq.
Pikkorissartup ilinniassavaa isumannaatsumik:
- Qamutit qillerutit atornissaat
- Qaarsumik qaartiterinissamut isumannaatsumik qillerinissamut pilersaarusiorneq
Qillerineq - Kerneboring – Qillerineq kerneboring aatsitassarsiortuni nutaani suliatut pingaartutut atorneqartarpoq. Kalaallit Nunaanni aatsitassanik nutaanik misissuinerminni qillerineq kerneboring atortarpaat.
Pikkorissartup ilinniassavai:
- Aatsitassanik ujaasinermi qillerineq aamma qillerinissaq qanoq katiterneqartarnersoq
- Qillerutip tunngaviusumik immikkoortortai
- Qillerinermik suliaqarneq – kisimiilluni aamma sulisut allat peqatigalugit
Ikiueqqaarnermut pikkorissarneq - Aatsitassalerinermik llinniarfik neqeroorpoq assigiinngitsunik soorlu ikiueqqaarneq atorfissaqartsitineq malillugu – Attavigiuk ilinniarfik
Immikkut pikkorissarnerit - Aatsitassalerinermik llinniarfik atortunik immikkuullarilluinnartunik naleqquttunik pigisaqarpoq. Neqeroorfigisinnaavatsigit atorfissaqartsitinerit naapertorlugu. Takuuk Pikkorissarnermut allattorsimaffiat.
Maskiinanik ingerlatitsisoq Nutarterineq – sulisartut ilinniagaqanngitsut ukiuni arlalinni maskiinanik ingerlatitsisuusareersut nunat tamat akuerisaannik uppernarsaammik pissarsinissaannut. Atorfissaqartsitineq malillugu.
Tunngaviusumik Qaartiterinermut Pikkorissarneq aamma Qaartiterinermut Aqutsisunut misilittagaqareersunut nangitsineq
Tunngaviusumik Qaartiterinermut Pikkorissarneq pikkorissarnermut angusigaanni qaartiterisartut pisortaata ikortaatut ukioq ataaseq sulissaaq. Qaartiterisutut ukioq ataaseq sulereernermi Namminersornerullutik oqartussanut qinnuteqartoqarsinnaavoq. ”Qaartiterisartut pisortaatut akersissummik”
Piumasaqaataavoq ukiut tallimanut allagartaq nutarternissaanut qinnuteqartarnissaq. Allagartaq nutarsarnissaanut Aatsitassalerinermik Ilinniarfik neqerooruteqartarpoq ukiut tamaasa.
Qinnuteqarneq
Majoriaq aaqutigalugu qinnuteqarsinnaavutit imaluunniit nittartakkakkut.
Nittartakkakkut qinnuteqaruit ilinniarfiup atassuteqarfigissavaatit Majoriaq imaluunniit sulisitsisut akuerissagaa qinnuteqaatit.
Akuerisaanermut allagarsiguit pikkorissarnissamut pappilissat immersorneri ajorsimanngillat.
Eqqaamajuk qinnuteqarnissap ullua.
