Sisimiuni ilinniagaqarniarpit imaluunniit ilinniarninnut atatillugu atuagarsoriassavit?

Taamaappat kollegienut qinnuteqarnissannut tikilluaqqusaavutit. 

Pingaaruteqarpoq mobilnormu aammalu emailit nalunaarutiginissai, taakku ilinnut attaveqaataasussaammata.

Kollegianut qinnuteqartut KTI Sisimiut-inut akiitsoqarnersut misissoqqaarneqartarput. Akiitsoqaraannilu kollegianut qinnuteqaat suliarineqarsinnaaneq ajorpoq, akiitsut pillugit isumaqatiginiarneqarsinnaapput qanoq akilerniarnerlugit. 

Kollegiassamik qinnuteqaatit sapaatip akunneri marluk ingerlanerani suliarineqartarpoq,uungalu nassiussinnaavat: koll@kti.gl 

Kollegienut inissarsiorluni qinnuteqarniaraanni immersungassaq immersorneqassaaq. Qinnuteqaammut ilinnialernissamut uppernarsaat, najungaqarnermut uppernarsaat (bopælsattest) aammalu sumi najugaqartarsimanermut uppernarsaat (historisk bopælsattest) ilanngussaqassapput.

Qinnuteqaatit naammassineqarpat toqqaannartumik ilinnut allaganngorlugu mailinnut nalunaarutigissavaa, tunineqarnerlutit imaluunniit tunineqannginnerlutit.

Angalanissat qulakkeereerukku, ulloq tikiffissat nalunaarutigissavat, tassunga ilanngullugu umiarsuaq sinersortaat imaluunniit timmisartoq ilaaffissavit normua ilanngullugu nalunaarutigalugu (GL-nr.), taammaalilluta tikinnissannut piareersimassaagut. Suliffiup kingorna tikissimaguit kinguaattooruilluunniit , qinnuigissavatsigit uunga oqarasuaammut sianeqqullutit pedel vagtmobil: 53 05 48

Ingerlatsineq:

Sisimiunut tikikkuit nammineerlutit kollegie allaffianut atsiungassatit atsioriartussavatit matuersaammillu tunineqarlutit. Taamaallaat ingerlanneqarsinnaapput:

• Siullermeerlutit atualersut.
• 18-nit inorlugit ukiullit.
• Kursus-ertut.