Qinnuteqarnermi ingerlariaaseq

Qinnuteqaatit tiguneraniik uku misissorneqartarput:

- Qinnuteqarpoq KTI kollegienut akiitsoqarnersoq.

- Uppernarsaatit tamarmik ilanngunneqarsimanersut.

- Inooqataasup atorfik aqqutigalugu ineqartitaasinnaannginneranut sulititsisumiit uppernarsaat ilanngunneqarsimanersoq.

KTI Kollegienut akiitsoqaraanni piumasaqaatinilluunniit amingaateqartoqaraagat qinnuteqaat suliarineqarsinnaanngilaq.  

Piumasaqaatit tamakkersimappata qinnuteqaat ataasimiititaliamut ingerlateqqinneqassaaq.

Qinnuteqaatit tamarmik inissiisarnermit ataatsimiititaliamit suliarineqartarput, inissiisarnermit ataatsimiititaliaq aqutsisumik, allaffimmiumik aammalu kollegieinspektørimik inuttalersugaavoq.

Inissiisarnermi ataatsimiititaliap qulakkeertussaavaa, qinnuteqartut tamarmik ilinniartut ineqarfii pillugit inatsit atuuttoq tunngavigalugu inissiisarnissaq.

Iniissiisarnermi ataatsimiititaliap inissarsiorlutik qinnuteqaatit saniatigut suliarisarpaat, attartornermut isumaqatigiissutit sivittornissaanut qinnuteqaatit (statusændring) aammalu ineqartut inoqutigiivi allannguuteqartut.

KTI kollegie qinnuteqaatit tiguneraniit sapinngisamik ullut 14-it iluanni suliarineqartarpoq, suliarlu naammassigaangat e-mail-ikkut qinnuteqartoq akineqartarpoq.

Tusagaqarsimanngikkuit ullut 14-it qaangiunnerini KTI kollegie-ip allaffeqarfianut paasiniaasinnaavutit.

Malugiuk

llinniartut Ineqarfiisa Allaffeqarfiat meeqqeriveqanngimmat taamaattumik nammineerlutit qeqqata kommuneanut meeqqavit inissamik qinnuteqarfiginissaa isumagissagakku.