43200 – MIG-svejserineq aluminiunik kantsømminik

print version

Sivisussusia: Sapaatit akunneri pingasut

Kikkut peqataasinnaappat:

Kikkulluunniit saviminilerinerup iluani sulisut, 43011 plade-ni kantsømmiusunik MAG-svejserisinnaasutut piginnaanillit, assigisaanilluunniit piginnaaneqarnerminnik uppernarsaasinnaasut.

Imarisaa:

Svejserinermi atuagarsorneq, avatangiisit isumallisaanerlu, sammivik PA, PB, PD aamma PF-ini assassorluni sungiusarneq.

Svejsikkat tamarmik DS/EN-imi 30042 najoqqutassiat atuuttut malillugit isigiinnarlugu naliliinermi naammassineqassapput.

Siunertaq:

Ilinniarnerup naammassineratigut peqataasut sulloqanngitsunik MIG-svejseriaatsimik assassornikkut piginnaasaqalissapput atuagarsornikkullu paasisimasaqalissallutik, taamaasilluni svejserinermi iliuuserineqartartuni najoqqutassiat, sammivinni tamani aluminiuni aluminiumslegering-inilu kantsømmini aamma ilitsersuinikkut namminersorlutik svejserisinnaalerlutik.

Pikkorissarsimanermik uppernarsaammik tunniussisoqassaaq.

Paasissutissat annertunerusut ilinniarfiup svejserinermik teknikkerianut Hanseeraq Kleemann-imut imaluunniit ilinn.pisortaq Ole Pedersen-imut piniarneqarsinnaapput, oqarasuaatinut toqqaannartunut ukununnga:

34 86 44 / 34 86 20.