Malittarisassat

1. Atuartarfiit: 08.00 – 09.30 anitsiarneq 09.45 – 11.15 anitsiarneq 12.00 – 13.30 anitsiarneq 13.45 – 15.15. Piffissarititat tamanit malinneqassapput atuartitsinermi piffissaajaasoqarunnaarlugu – illillumi nammineq ilikkagassannik kinguaattuunnginniassagavit.
2. Atuanngitsoorneq qanorluunniit atuanngitsoorneruvoq, atuanngikkaannimi ilinnikkagaqartoqarsinnaanngilaq. Atuanngitsoornerit* allattorneqartarput sulisitsisunnullu nalunaarutigineqarsinnaallutik. Nunatta sulisartut piffissamik eqquisinnaasut pisariaqartippai. Atuarninni napparsimassagaluaruit sulisitsisut tamanna pillugu ilisimatittariaqarpat, aningaasarsiannik piiaaffigitinnginniassagavit.
3. Napparsimagaanni nakorsiaraannilu piaarnerpaamik siarngutigineqartariaqarpoq kingusinnerpaamillu nal. 07.45 takkutinngitsoornerit nalunaarutigisariaqarluni. Atuarfimmut sianerit 34 86 00-mut, kinaanerit atuartunullu sorlermiinnersutit nalunaarutigiuk vagt-ip ingerlatitseqqissinnaanniassammassuk.
4. Atuarfimmi aalakoorneq – ikiaroorneq – iisartakkanik assigisaannillu malugisimaarneq* inerteqqutaavoq.
5. Tillinneq* tigussukarnerlu akuerineqarsinnaanngillat. Siunnersuutitsialak: Atisaasivinnut parnaarsaatimik pissarsigit.
6. Værkstedimi nipiliorneq pinngitsoorneqarsinnaanngilaq – kisiannili nillianerit illit ajutoorninnik isumaqarsinnaapput – taamaammat taamaalioqinak – majuartarfinni torsuusanilu nipiliornaveersaarit soorlu nillialluni tukkartorluniluunniit (træskonik). Ilinniartitsisuppit mobilit qaminngatinnissaa piumasarisinnaavaa. Oqaaqqissaarutit ingerlatiinnaq naalattakkit; soorlu ilinniartitsisumiit sulisuniilluunniit allanit. Kantiinap ammasarfii malikkit.
7. Atuarfiup qarasaasiaanik akornusiilluni atuineq soorunami inerteqqutaavoq. Programminik sunilluunniit immiusseqqusaanngilaq, soorlu pinnguaatinik allami nassartakkamiititanik aammattaaq qarasaasiap ilusaanik allannguisoqaqqusaanngilaq ilinniartitsisumik isumaqateqaqqaarsimatinnani. Programinik allanik aamma aalleqqusaanngilaq.
8. Værkstedini sulinermilu isumannaallisaanermut malittarisassat malinneqassapput. Pinnguarneq kamaannerillu inerteqqutaapput.
9. Torersuutitsigit – ilinniartut tamarmik atortutik tamarmik torersuutittariaqarpaat, sannatit teoreertarfinnilu tunniussat.
10. Natermut eqqaavinnulluunnit qitseraqusaanngilaq. Kialluunniit nalunngilaa qiseq eqqiluisaannginnerusoq, maajunnartuusoq tunillaassuutitsisinnaasorlu.
11. Pujortarneq, Namminersornerusunit/qullersanit akuerineqarsimasuinnaat pujortarfigineqarsinnaapput.
12. Anigasuarfiit sumiinnersut maluginiakkit. Ikuallattoornermi arpannak aniartorit.

   *) angerlartitaanermik kinguneqarsinnaavoq. 

 Saviminilerinermik Ilinniarfimmi aqutsisut. 1. juli 2006