Siunertaq

Umiarsualivinni assartugaleriviillu iluini annertusiartuinnartumik sulisut tunngaviusumik immikkullu ituunik ilisimasaqarnissaat piumasaqaataaleraluinnarpoq. Tamatumani pissutaavoq suliassat pisariuneruleriartornerat, umiarsualivinni assartugalirivinnilu teknikkikkut ineriartornerup ilutigisaanik.

Pikkorissarnerup sulisoq – tunngaviusumik – suliffeqarfimmi eqquilluarniarnikkut, pitsaassutsikkut sillimaniarnikkullu piginnaaneqalersissavaa, teknikikkut atortorissaarutit nutaaliaasut atorsinnaalersillugit aamma suliaminik ingerlatsinermini maskiinat, assartugaleriviit umiarsuillu ineriartornerannik paasisimasaqarlnerulersissallugu minnerunngitsumillu assartuinermi assartugassanik aqutsnermik paasinninnerulersissallugu. Piginnaassutsit taakku pisariaqalersissavaat umiarsualivinni allanilu sulisuusup suliffeqarniarnermut attuumassuteqartuaannarniarnissaa.

Peqataasup, ulluinnarni umiarsualivimmi suliassat naliginnaasut ilisimaarineri tunngavigalugit, ataatsimut isigalugu

  • Umiarsualivinni tunngaviusumik suliassat suliarisinnaalissavai
  • Umiarsualivinni isumannaatsumik avatangiisinik pilersitsinissaq peqataaffigissavaa.
  • Pikkorissarnerup siunertaa:
  • Peqataasup allanik suleqateqarluni umiarsualivimmi sulinermi periutsit assigiinngitsut nassuiarlugillu suliarisinnaassavai, suliassallu suliarineqartarnerannut ajornartorsiutinik aaqqiiniaqataasinnaalissalluni.
  • Peqataasuup umiarsualivimmi sulinermi atortut angallassissutillu assigiinngitsut ilisarisinnaallugillu nassuiaateqarfigisinnaassavai.
  • Peqataasut umiarsualivimmi angallannermi malittarisassat naliginnaasut nassuiarsinnaalersimassavaat, sullivimmi namminermi sillimaniarnermut malittarisassat ilanngullugit kiisalu umiarsualivinni maskiinanik ingerlatsisunut ussersornikkut attaveqarsinnaalersimassallutik umiarsualivimmi isumannaatsumik angalasoqarsinnaaqqullugu.
  • Peqataasut sullivimmi avatangiisinik pitsanngorsaanermut peqataasinnaalersimassapput kiisalu avatangiisit pissutaallutik ajoqusernernut pivaveersaartitseqataasinnaaler-simassallutik.
  • Peqataasut kivitsiniarnermi aalajangersuisinnaassapput sillimaniarnermut malittarisassat atuuttut naapertorlugit.

Piumasaqaatit

Pikkorissarnermut peqataanissamut immikkut piumasaqaateqartoqanngilaq.