Suliffiup iluani pissutsit suleqatigiinnerlu

Siunertaq

Pikkorissaqataasoq pikkorissareernerup kingorna immikkoortortaqarfinni imaluunniit suliffeqarfinni assigiinngitsuni suleqatigeeriaatsit paasisaqarfigilissavai, aammalu nammineq suleqatigiiffiusuni sumiiffini inississinnaalissallugu. Taamaalilluni pikkorissartup paasilluassavaa, suliffimmi suleqatigiinnermi aningaasartuutaasartut qanoq annikillisaaffigineqarsinnaaneri. Aammattaaq pikkorissartup suliffik tamakkerlugu pissutsinut nutaanut aaqqiinissamut aaqqissueqataasinnaavoq, nammineq inissisimaffini ilanngullugu.

Pikkorissartup suliffimmi eqimattat nammineq ingerlatittuni suleqatigiinnissaannut aaqqissuinermut peqataasinnaavoq, aammalu suliffeqarfimmi nassiussassat paasissutissallu ataavartumik takkussuuttut piareersarnerinut peqataasinnaalluni, nassiussassallu isumannaallisarnissaat aammalu pisiniartunik sullissineq pitsanngorsaaffigineqarnissaa anguniarlugu.

Pikkorissartup pikkorissareernermi kingorna piginnaasarilissagai

  • Nioqqutissiornerup aammalu quersuup qanoq pisariitsigisumik aqunneqarsinnaanera, soorlu: Aningaasat missigersuutit, quersuarmiititat, Just-In-Time aammalu OPT.
  • Minnerpaassutsit aammalu annerpaassutsit malittarisassartai malillugit qanoq annertutigisumik nioqqutissiassanik pisiniarnissaq aqunneqassanersoq, taamaalinikkut pisiassat naammasseriikkat pisisussamut piffissaq isumaqatigiissut malillugu nassiunneqassammata.
  • Suliffimmi ajornartorsiuteqalernermi aaqqiinissamut siunnersuusiorneq. Nassiussassat paasissutissallu ataavartumik takkussuunneri. Taamaalilluni nassiussassanik isumannaallisaaneq immikkoortortaqarfinni assigiinngitsuni pitsaanerpaaq anguneqassaaq, aammalu naggataagut pisisussamut nassiussineq.
  • Quersuarmi suliassanut ajornartorsiutaasinnaasunillu, soorlu quersuup angissusaanik, angallassineq avatangiisilu pillugit aaqqiinissamut siunnersuuteqarneq. Taamaaliornikkut aningaasartuutissanik sipaartoqarsinnaavoq.
  • Nioqqutissiornermut atatillugu soorlu sulianik allaaserinninnerit, nioqqutissiornermi aningaasartuutit aammalu puujaasaaqqat qorluinik ajornartorsiutit pillugit aaqqiissutissanik suliaqarneq, taamaalilluni pisiassaq suliarineqanngitsoq piaartumik sanariikkatut pisisussamut ingerlateqqinneqassaaq.
  • Eqaatsumik aammalu nutaaliorsinnaanermik tunngavilimmik suleqatigiinneq, taamaalilluni suliffik unammillersinnaallunilu aningaasaqarnikkut aqutsilluarnini attatiinnassavaa.
  • Taamatut suliffiup iluani pissutit ataatsimut isikkoqarpata, taava ataatsimut paasinneriaaseq suliffik tamakkerlugu pigineqassaaq.

Piumasaqaatit

Pikkorissarneq tamaatut suliaqareersunut imaluunniit taamatut suliffissarsiortunut tamanut ammavoq.