Lastbiilinut aallarterlaaq kat. C-mullu allagartartaarneq ilanngullugu.

Pikkorissareernerup kingorna peqataasimasoq kat. C.-mut angallatsisinnaanermut allagartartaarsimassaaq taamaalillunilu lastbiili isumannaalluinnartumik ingerlassinnaalugu, ilaatigullu nammineq biilertullu allat periataarsinnaanerat nalilersorsinnaallugu, aammalu taanna tunuliaqutigalugu isumannaatsumik akisussaaffeqarluarlunilu ingerlatitsisinnaalluni. Aammattaaq peqataasoq batteerinut tunngatillugu ajoqutaasinnaasunik nassaassarsiorsinnaavoq, iluarsagassanillu minnerusunik aaqqiisinnaalluni aammalu angalanissanut naleqqunnerusunik aqqutissarsiornermut piareersaasinnaalluni.

Anguniakkat pingaarnerit

  • Lastbiilinut aqutsisutut angallaffimmi navianarsinnaasunik ajornartorsiutinillu naapitsinermi paasinnissinnaaneq, aammalu angallannermi malittarisassat inatsinillu allanik tassunga tunngasunik paasissutissanik pissarsiaqarsinnaalluni.
  • Lastbiilimut tunngasut aammalu qanoq ingerlatsinissamut paasinninnissaq, taamalilluni ingerlatitsisup sillimaniarnernermut pisariaqaataasut amingaatit eqqumaffigisinnavai.
  • Angallaffimmi ajornartorsiutaasinnaasut eqqumaffiginerisigut aammalu inunnut imminullu navianaatsumik lastbiilimik ingerlatitsinissaq naliliiffigisinnaanera pikkoriffigilissallugu.

Kat. C-mut allagartartaarnissamut piumasaqaatit nalilerneqarnissaannut aallajangiisussat:

1. Pikkorissartup nakorsamiik peqqissutsimut allagartaq akuerisaasoq takutittariaqarpaa.

2. Pikkorissartup pikkorissareernerup kingorna politiit atuarfiullu akuerisaannik teoreersimaneq biilinullu ingerlatsisinnaanermut misilitsissimaneq naammassisimassavai.

Piumasaqaatit

Pikkorissartoq biilinut (kat. B-mut) allagartaqartariaqarpoq.