Piumasaqaatit

Anhugning-imut pikkorissareersimassaaq, soqutiginnittunullu tamanut ammavoq.

Siunertaasumik paasissutissat

Peqataasoq pikkorissareernermi kingorna aammalu naliginnaasumik suliffimmik ilisarititsinermi, lastbiilini, biilit kalusiuttakkani imaluunniit biilini allani usilersuisinnaalerlunilu sukaterisinnaalissaaq, angallassinissamut usinut biilinullu ajoqusernissamut pinaveersaartitisinnaalluni.

Pikkorissarneq nammassineqassaaq, peqataasoq

  • Usit angallannissaannut oqimaassusaat naapertorlugu manngussuinissamut aammalu inissititserinissamut atortut eqqortumik atornissaat aammalu usinik qerattarsaanissamut atortussanik eqqortumik atuisinnaalerpat.
  • Lastbiilini/biilini kalussiuttakkani manngussuinermi atortut, soorlu sukaterinermut nigaliuutit, akkersat allallu biilini naqitarutaasartut eqqortumik atorsinnaalerunigit.
  • Naliginnaasumik usinut poortuutissat nalunaaqqutserneqarneri ilisimassallugit, taakkulu najoqqutaralugit usit assigiinngitsut eqqortumik passussinnaallugit.
  • Usilersuinermi usit assigiinngissusai malillugit isumannaatsumik qerattaqqusersornissaat aammalu ikorfarnissai pisariaqarnersut aalajangersinnaallugit.
  • Sukaterutinik eqqortunik usinut assigiinngitsunut toqqaasinnaaneq atuisinnaanerlu, aammalu sukarutit aserfallatsaaliornissaat toqqoqqanissaalu suliffiup imaluunniit assigisaata malittarisassai malillugit.
  • Biilit usiinik assigiinngtsunik isumannaatsumik usilersuisinnaaneq sukaterisinnaanerlu, taavalu biilit oqimaassusaata akseliinut naqitsinera, biilillu oqimaassusaata qaffasinnerpaaffissaa qaangerneqannginnissaa qulakkeersinnaallugu.
  • Usinik sillimmasiinerit pillugit ilisimasaqarnissaq aammalu nalunaajaasinnaalluni qaqugukkut biilinik piginnittoq imaluunniit biilertuusoq biilit aserorneqarnerini akisussaanersoq aammalu sullitamut sillimmasiisarfimmullu tunngatillugu qanoq aalajangiisoqartarnersoq.