Lastbiili kraanitalik. Misiliut E (NUTAAQ)

Anguniakkat

  • Latsbiilinik kraanitalinnik isumannaatsumik qajannaatsumillu nappartitsisinnaaneq ingerlatsisinnaanerlu.
  • Kraanitaanik isumannaatsumik qajannaatsumillu ingerlatsisinnaaneq.
  • Kivitsinissamut tiguseriaatsinik eqqortunik toqqaasinnaaneq aammalu qajannaatsumik tigusisinnaaneq.

Imarisai

Peqataasoq titartakkat eqqortut malillugit aammalu radio-kkut attaveqarnikkut sulisinnaavoq, taamaalilluni ataatsikkut kivitsinissamut kraanertup kivitsissusallu akornanni eqqortumik attaveqaqatigiinnerat isumannaallisarneqassaaq, imaluunniit tarrisimasumi oqimaatsunik kivitsinermi ilisiniarnerniluunniit eqqortumik kraanernermut ilitsersuisinnaaneq.

Peqataasup kivitsinissamut tiguseriaatsit assigiinngitsut toqqarsinnaallugillu atorsinnaavai aammalu kivitsisussaq kivitassat sukaternissaannik ataatsikkullu kivitsinissamut ilitseruussinnaallugu.

Peqataasup Sullivinnik Nakkutilliisoqarfiup aammalu suliffissuaatillit kivitsinissamut tiguseriaatsinut atortussaannik aserfallatsaaliinermut atorunnaarsitsinissamullu innersuussutaat atorsinnaavai.

Peqataasoq lastbiili kraanitallip aalajaanneranut sunniutaasinnaasut soorlu nikittaarnerit eqqarsaatigalugit naleqqussaasinnaavoq, soorlu anorip sakkortussusaa aammalu oqimaannerussusaata kateruuffiata portussusaa malillugit.

Peqataasup kraanip aalajaassusaanut assoroortinnissaanullu pissutaaqataasinnaasut assigiinngitsut naatsorsorsinnaavai, soorlu kivitsisinnaassusaa/-assoroortissinnaanera kraanip kivitsisinnaassusaa naammannersoq aalajangiiffiginiarlugu aammalu qanoq annertutigisumik assoroortinneqassanersoq.

Peqataasup kivitsinermut aalajaassusermullu ilisimasaqarnini tunngavigalugit suleriaatsit assigiinngitsut atornerisigut kraanip aalajaassusaa assoroortissinnaanerilu assigiinngitsut naatsorsorsinnaavai.

Peqataasoq atuangarsoreernikkut aammalu misilittaareernikkut kraanimik ataatsimut kivitsisinnaasalissaaq, taavalu ataatsimut kivitsinermi kraanit ataasiakkaat qanoq annertutigisumik assoroortinnissaat aalajangiiffigisinnaallugit, aammalu kivitassat oqimaatsut avagiisinut naleqqiullugit sumut lastbiili kraanillu eqqortumik inissinneqarnissaat isumagisinnaalerlugu.

Peqataasoq naliginnaasumik sukatassanik E-kraaninut tunngalluinnartunut isumannaatsumik qajannaatsumillu, soorlu fly-jip aamma wirespil atorlugit suliaqarsinnaavoq.

Peqataasoq radio-kkut eqqortumik siunnersuilluni kraanilerilluarsinnaavoq.

Piumasaqaatit

Kraanernermut sungiussilluarsimasut lastbiilinullu allagartaqareersut. Aammattaaq Kran D-mut allagartaqareernissaq.

Misilitsissinnaanermut tunngavigineqarpoq militsissimanermut allagartartaarniaraanni piumasaqaatigineqarput

  • Atuagarsornertaa misilittaasimanermullu angusaqarsimaneq (DK-mi allagartartaartarneq tunngavigalugu).