Siunertaq

Peqataasoq pikkorissareernermi suliassanilu ilitsersuunneqareernermi kingorna nammineerluni biilini angisuuni suliassanik naliginnaasunik suliaqarsinnaalersimassaaq ilaatigut ukunannga:

  • Naliginnaasumik aserfallatsaaliineq, ilitsersuut najoqqutaralugu.
  • Ingerlatsinermi akornutaasunik annikitsunik iluarsiineq, sakkunik biilineereersunik atortoqarluni.
  • Akornutaasunik sannavimmut/piililiutilimmut nalunaaruteqarneq.
  • Biilit angisuut teknikkikkut ineriartornerannut ilisimatinneqarneq.
  • Aserfallatsaaliinermi aningaasat pingaaruteqarnerannik paasisimasaqalerneq.
  • Eqqortumik atuinerup aningaasatigut pingaaruteqassusianik paasisimasaqalerneq.

Pikkorissarnerup siunertaa

  • Peqataasoq pikkorissareernerup kingorna ima biilip ingerlanneranut aserfallatsaalineranut, ilusaanut, atortuinut periusaanullu ilisimasaqalersimatigissaaq nammineerluni inatsisitigut piumasaqaataasut misissuinerit ingerlassinnaalersimassallugit, aserfallatsaaliuisinnaalersimassalluni kiisalu ingerlatsinermut aqqusinermilu ingerlaarnermi sillimanissamut misissuisinnaalersimassalluni.
  • Akornutaasunik nassaarniarsinnaalersimassalluni, biilinili ingerlatsinermi akornutaasut annikitsut aaqqissinnaalersimassallugit innaallagissatigut atortui ilanngullugit. Peqataasuttaaq biilinik ingerlatsinermi aserfallatsaaliinermilu il.il. ilisimalikkatik aallaavigalugit nammineerlutik sannavinnut / biililiutilinnut akornutaasunik nalunaaruteqarsinnaalersimassapput.
  • Peqataasoq biilini nutaanerausuni teknikkimik paasisimalersinneqarpoq.

Piumasaqaatit

Pikkorissarneq inunnut biilernerup iluani sulisunut sulilerusuttunullu tamanut ammavoq. Peqataasup qamutinik motoorilinnik ingerlatsisinnaanermut allagartaq immikkoortoq B, C imaluunniit D pigissavaa.