Oquk, sanaartukkanilu oquk, siunnersuinerlu pillugit pikkorissarneq.

Siunertaq:

  • Pikkkorissarneq pedelinut, viceværtinut aammalu ulluinnarni sanaartornermik suliaqartunut tamanut saafiginnippoq, oqummik ilisimasaqalernissaminnik siunnersorneqarnissaminnillu kissaateqartunut, taakkuusinnaapput ulluinnarni tamatuminnga takunnittartut imaluunniit tamatuminnga paasisaqaru-suttut. Aallarniutitut sanaartukkap sananeqaataa sammineqassaaq, taamaattumillu pikkorissarneq inunnut sanaartornerup iluani misilittagalinnut misilittagaqanngitsunullu attuumassuteqarpoq.

Pikkorissareernerup kingorna pikkorissaqataasoq:

  • Sanaartukkani oqoqalersimasumi nutarternissanik iluarsagassanillu pilersaarusiornerni peqataasinnaalissaaq, pikkorissaqataasorlu oqoqalersimanermik paasinnissinnaalissaaq.
  • Sanaartukkani oquuk oquullu akiorneqarnerata kingorna iluarsagassani iluarsaanernilu pilersaarusiornerni peqataasinnaalissaaq.
  • Illuliornerni pilersaarusiornermi peqataanermigut illup sananeqannginnerani oqummik peqquteqartumik illup iluani silaannarmi oqummik ajornartorsiuteqannginnissaa pilersaarusioqataaffigisinnaalerlugu.

Sivisussusaa aammalu aaqqissuussaanera:

  • Ullut sisamat
  • Pikkorissarneq atuagarsornermik misilittakkallu tunngavigalugit oqallinnernik paarlakaajaattunik ingerlanneqassaaq, aammalu misilittanernik annikitsunik misileraanernik imaqassaaq.

Imarisai:

  • Isugutak pillugu paasissutissat
  • Oquk
  • Inuttut illersuutit
  • Saliinernik periutsit
  • Misissueriaatsit
  • Qisuup sananeqaatitigut  aammalu akoorutissat sakkugalugit illersorneqarnissaanik ilinniarneq
  • Qisuup nalinginnaasumik asiusarnera.
  • Qisuit assigiinngitsut suussusiinik ilinniarneq
  • Sanaartukkani oquup saqqummertarnera aammalu suussusaanik ilinniarneq

Pikkorissarneq naamaginartumik naamassineqarpat pikkorissarsimanermut allagartassaq tunniunne-qassaaq.

Pikkorissartitsinermi oqaatsit atorneqartussat:

  • Kalaallisut/qallunaatut.

Pikkorissarneq Sisimiuni Teknikimik Ilinniarfimmi ingerlanneqassaaq.