Teknikimik Ilinniarfik, Sisimiut

Pisortap

tullersortissarsiorpoq

Tunngaviusumik ilinniartitaanerit iluani annertunerusumik suliaqalerneq aammattaaq pilersaarusiornerit pissutigalugit, ilinniarfik pisortap tullersortissarsiorpoq augustip aallaqqaataaniit imaluunniit piffissami allami isumaqatigiinnikkut. Atorfik nutaajuvoq.

Pisortap tullersortaa, ilinniarfiup pisortaanut akisussaasuuvoq.

Teknikimik Ilinniarfimmi tunngaviusumik ilinniartitaanerit Saviminilerineq Nuummi, sanaartorneq, nunniuineq aatsitassarsiornerillu Sisimiuni. Aammattaaq ilinniarnertuunngorniarnerit oqaatsinillu pikkorissartitsinerit Sisimiuni ingerlanneqarput. Issittumi ingeniørinngorniarneq Sisimiuni ingerlanneqarportaaq DTU-p (Artek-ip) akisussaaffigisaanik. Aammattaaq ilinniarfiup ilinniartut inaat Sisimiuniittut 360-illu missaanniittut ingerlanneri akisussaaffigai.

Atorfik:

Ilinniarfiup tullersortaata akisussaaffigissavai tunngaviusumik ilinniartitaaneri, tassunga ilaallutik atuartitseriaatsinik, allaffissornikkut aningaasatigullu aqutsinerit. Aammattaaq qulakkeertuartussaassavaa ilinniakka imaasa tulluarsartuarnissaat, inuussutissarsiorneri ineriartorneri aallaavigalugit. Tullersorteq aammattaaq Teknikimik Ilinniarfimmi ingerlatanut assigiinngeqisunut ataqatigiissaarisuussaaq.

Naatsorsuutigaarput:

-          sulisunik aqutsinermut misilittagaqassasutit

-          ilinniartitaanermut tunngasunik ilisimasaqarnissat (piumasaqaataananili)

-          suliffeqarfik suli annertunerusumik ineriartortitsiviusoq peqataaffigissallugu, suliffeqarfiit inuiaqatigiillu ilinniarluarsimasunik piumasaqarnerannik naammassinneqataasinnaasoq

-          inunnik attaveqarnissamut piginnaasaqarluarnissat, sulisut aqutsisullu akornanni tatigeqatigiittuarnissaq anguniarlugu, pingaaruteqarluinnartorlu KTI-p siunniussaanut angusiuarnissamik

-          namminersorlutit sulisinnaassasutit

-          anguniagaqartuarnissat

Neqeroorutigaarput:

-          suliffik pissanganartoq namminerlu immersorneqarsinnaasoq

-          suliffik ilinniartitaanernut assigiinngeqisunut, tunngaviusunik ilinniartitaanerniit qaffasinnerusunik ilinniartitaanernut sunniuteqarfiusinnaasoq

-          ilinniarfik ineriartortuartoq

-          suleqatit suliaminnut pikkorilluinnartut

 

 

 

Akissarsiat aamma atorfeqartitaanermi atugassarititaasut:

Atorfik akissarsiat eqqarsaatigalugit suli inissilluarnikuunngilaq.

Aallaavigineqassaaq isumaqatigiissutit tunngavigalugit atorfinitsitsisoqarnissaa, qinnuteqaateqartoq tjenestemanditut atorfeqareerpat Kalaallit Nunaanni tjenestemanditut atugassarititaasut tunngavigalugit atorfinitsitsisoqarsinnaavoq.

Aningaasarsiat atorfinitsitaanermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pequtillu nassiunneqarnerannut Naalakkersuisut kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Naalagaaffimmi tjenestemandit aamma AC-p isumaqatigiissutai arlaqartutut tunngavigalugit atorfeqartut, ilaatigut DJØF-ip aamma Finansministeriap akornanni isumaqatigiissut, tunngavigalugu Kalaallit Nunaanni Namminersorlutik Oqartussani atorfinitsinneqarnermut atatillugu atorfigisamit akissarsiaqaataanngitsumik sulinngiffeqarallartoqarsinnaavoq. Taamatuttaaq Indenrigsministeriaqarfimmit kommuninut aamma regioninut inassuteqaataavoq, Kalaallit Nunaanni Namminersorlutik Oqartussani atorfinitsitaanermut atatillugu akissarsiaqaataanngitsumik suliffeqarallarnissamut qinnuteqaateqarnerit akuersaartumik isigineqartarnissaat. Sulinngiffeqarallarnissamut aalajangersakkami ilaatinneqarput Kalaallit Nunaanni Namminersorlutik Oqartussani atorfinitsinneqartup katissimallugu aapparisaa /katissimanngikkaluarlugit aapparisaa.

Atorfinitsinneqarnermut atatillugu angalanermut akiliussisoqassaaq – aamma ikinnerpaamik ukiuni pingasuni atorfeqareernermi angerlarnermut akiussisoqassaaq maleruaqqusat qaqugukkulluunniit atuuttut malillugit.

Ineqarneq

Atorfimmut atatillugu maleruaqqusat sukkulluunniit atuuttut tunngavigalugit inissamik pequsersorneqanngitsumik innersuussisoqassaaq. Ineqarnermut akiliut aamma iserternermi qularnaveeqqutitut akiliutit akilerneqassapput inissamut innersuussutigineqartumut maleruaqqusat sukkulluunniit atuuttut tunngavigalugit. Atorfeqartitaanermut atatillugu inigisaq innersuussutigineqartoq atorfimmut tunngavoq taamaattumillu suliunnaarnermut atatillugu qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq taakkulu akileraarusersorneqassallutik.

 

 

Paasissutissat sukumiinerusut:

Atorfimmut tunngatillugu paasissutissat sukumiinerusut pissarsiarineqarsinnaapput atuarfimmi pisortaq Jokum Møller telefonimut +299 86 76 00 sianerfigalugu imaluunniit

e-mail aqqutigalugu jomo@sanilin.gl allaffigalugu.

Kingusinnerpaamik qinnuteqaateqarfissatut killiussaq tassaavoq 10. juni 2017. Immitsinnut piginnaatippugut qinnuteqaatit ingerlaavartumik oqaluuserisarsinnaanerannut.

Qinnuteqaateqarneq

Qinnuteqaammut ilanngunneqassapput paasissutissat imminut tunngasut (CV), ilinniaqarsimanermut uppernarsaatit aamma ilanngussassat allat tulluartut.

Allaganngorlugu qinnuteqaat paasissutissat pisariaqartut ilanngullugu nassiunneqassaaq uunga si@sanilin.gl

Aammattaaq takukkit:

Teknikimik Ilinniarfik: www.kti.gl, Oqaatsinik Pikkorissarfik: www.oqaatsit.gl, Qeqqata Kommunia: www.qeqqata.gl    

Qinnuteqaateqartut Kalaallit Nunaata avataani najugaqartut Kalaallit Nunaat pillugu paasissutissat annertunerusunik kissaateqartut una alakkarsinnaavaat www.naalakkersuisut.gl.