KTI Sisimiut Kalaallit Nunaanni oqaatsinik pikkorissarnermut immikkoortortaqarfimmut aqutsisumik pissarsiorpoq 

Sisimiuni Oqaatsinik Pikkorissarfik 1. januar 2017 aallartiffigalugu ingerlatsivittut nammineernera unippoq, kiisalu oqaatsinik pikkorissarnermut neqeroorutit ineriartortitsinerillu maannakkut Teknikimik Ilinniarfimmi, KTI Sisimiuni, immikkoortortaqarfittut inissinneqarput, tassani oqaatsinik pikkorissarnernut aqutsisoq KTI-mi forstanderimut akisussaassuseqarluni.

Aqutsisoq ineriartortitsinermik soqutigisaqartoq 1. august 2017 imaluunniit isumaqatigiinneq tunngavigalugu atorfinittussaq ujartorneqarpoq.

Aqutsisup pingaarnertut akisissaaffigalugit suliassarai oqaatsinik pikkorissartitsinerit ingerlanneqarnissaat aningaasaqarnerlu, sulisut aammattaaq oqaatsinik pikkorissartitsinerit ineriartortinneqarnerat ingerlanneqarnerallu. Naatsorsuutigineqarpoq pineqartup suliassanik tulluartumik agguaassinermigut qulakkiissagaa suliassat pitsaasumik akunnaatsumillu naammassineqarnissaat qulakkiissagaa.

Oqaatsinik pikkorissaasarnerni siunertarineqarpoq innuttaasut kalaallit, danskit aamma tuluit oqaasiinik atuisinnaanerisa pitsanngorsarneqarnissaat Naalakkersuisut oqaatsinut politikkiat, namminersortut aamma pisortat ingerlatsiviisa assigiinngitsunik pisariaqartitsinera, taamatuttaaq inuussutissarsiornermi, suliffeqarnermi aamma ilinniartitaanermi politikkini anguniakkat qaqugukkulluunniit atuuttut mianeralugit.

Immikkoortortaqarfik taamatuttaaq ilisimasanik qitiusoqarfittut atuuppoq, inunnik ataasiakkaanik, ingerlatsivinnik aamma suliffeqarfinnik oqaatsinik pikkorissarnissamut aamma oqaatsinik pikkorissarnissamut neqeroorutit pillugit atuarfimmi taamatullu sumiiffinni allani ingerlanneqarsinnaasut pillugit ilitsersuisinnaasutut.

Immikkoortortaqarfiup 1. januar 2017 aallartiffigalugu sulisui tassaapput aqutsisoq ataaseq, allaffimmi sulisut 1-2 aammattaaq ilinniartitsisartut avataaneersut. Ilinniartitsisunik aalajangersimasumik atorfinitsitsisinnaaneq periarfissaassaaq.   

Uagut naatsorsuutigaarput illit tassaasutit:

  •          ilinniartitsisutut ilinniarsimasoq kalaallit, danskit imaluunniit tuluit oqaasii, oqaatsit taakku arlaat ataaseq arlallilluunniit ilinniarnerpit nalaani immikkut ilinniagaqarfigisimallugit, imaluunniit tulluartumik akademiskiusumik ilinniagalik kalaallit, danskit imaluunniit tuluit oqaasiinik oqaatsit taakku arlaat ataaseq arlallilluunniit sammisaralugit
  •          oqaatsinik aamma oqaatsinik ilinniartitsinermik soqutigisaqartoq
  •          sulisunik pædagogikimik sammisaqartunik aqutsinermik misilittagaqartoq, kisianni tamanna pinngitsoornani piumasaqataanngilaq
  •          piginnaasaqarfigalugu suli suliatigut ineriartortitsinermik suliaqarneq pikkorissartitsinerni nalinginnaasumi aamma internet aqqutigalugu ilinniartitsinermi (e-læring)
  •          kalaallinik inuiaqatigiinnik aamma ilinniartitaanermut tunngasunik ilisimasaqartoq
  •          attaveqaqatigiinnermut pitsaasumik piginnaasalik suliffimmi namminermi avataanullu tamatumunnga ilanngullugit suleqatigisartakkanut avataaneersunut attaveqaqateqartarneq
  •          misilittagaqarfigalugu oqaatsini taaneqartuni ataatsimi arlalinniluunniit ilinniartitsineq allanertat oqaasiitut/oqaatsit ilitsoqqussat aappaattut aamma allanertat oqaasiitut/oqaatsit ilitsoqqussat aappaattut ilinniartitseriaatsimik aamma ilikkartitsinissamut annertuumik ilisimasaqartoq.

Uagut neqeroorutigaavut:

  •          suliaq pissanganartoq suliffimmi suliassat suunerisa sunniuteqarfiginissaannut annertumik periarfissaqarfiusoq, taamatuttaaq oqaatsinik pikkorissarnerit ineriartortinnissaannut
  •          immikkoortortaqarfik annertunerusumik ineriartortissallugu periarfissaqarfiusoq
  •          atuarfik aallussilluartunik pikkorissunillu KTI-mi suleqateqarfiusoq
  •          atorfimmi inuttut aamma suliatigut annertuumik ineriartornissamut periarfissaqarfiusoq.

Teknikimik Ilinniarfimmut ilaapput EUD (Saviminilerinermik Ilinniarfik) Nuummiittoq aammattaaq EUD (Sanaartornermik Ilinniarfik), Aatsitassalerinermik Ilinniarfik, Ilinniarnertuunngorniarfik (GUX) Sisimiuniittut aammattaaq oqaatsinik pikkorissarnerit. Sisimiuni atuarfik aammattaaq ingeniørinngorniarluni ilinniartitaanerup, DTU-p (Artek) ataani ingerlanneqartup, inissisimaffigaa. Taakku saniatigut kollegiani inissat 370-it missaanniittut, Sisimiuni inissisimasut, atuarfimmit akisussaaffigineqarput.

Atorfeqartitaanermi atugassarititaasut:

Akissarsiat aamma atorfeqartitaanermi atugassarititaasut, tassunga ilanngullugit atorfininnermut atatillugu akiliunneqarluni angalanissamut aamma soraarnermut atatillugu angalanissamut aamma pequtit assartorneqarnissaannut pisinnaatitaaffiit, atorfinitsitaanerup nalaani isumaqatigiissut/kattuffiup isumaqatigiissutaa Kalaallit Nunaanit Naalakkersuisut aamma pineqartup kattuffiata isumaqatigiinniarsinnaatitaasup, imaluunniit Kalaallit Nunaanni Naalakkersuisut aamma ASG-p akornanni tjenestemandinut assingusumik atorfinitsinneqarsinnaanermut Kalaallit Nunaanni Inuussutissarsiutitigut ilinniartitaanermi aqutsisut illinniartitsisullu pillugit aningaasarsiatigut akissarsiaqartinneqarnissamut inissiinissamut isumaqatigiissutaat tunngavigalugu. 

Qinnuteqaateqartunut tjenstemanditut atorfeqareersunut Kalaallit Nunaanni tjenestemandinut inatsit tunngavigalugu, taava tjenestemanditut atorfinitsinneqarneq pisinnaavoq. Tjenestemanditut atorfinitsitsisoqassappat atorfinitsitsineq Kalaallit Nunaanni Namminersornerullutik Oqartussani kommuninilu tjenestemandit pillugu Inatsisartut inatsisissaat nr. 21, 18. december 2003-imeersoq tunngavigalugu ingerlanneqassaaq.

Piffissami suliffiusumi aallaaviuvoq sapaatit akunneranut nalunaaquttap akunneri 40-t, qaqugukkulluunniit suliartoqquneqariataarsinnaanermut pisussaaffiit ukiumut 280-t kvartalimullu 70-it atorfimmut tunngatinneqartut ilaapput, kiisalu ulluni sulinngiffiusussaagaluartuni sulinermi annaasaqaataasutut ajunngitsorsiassaqartitsisarneq atuutinngilaq.  

Atorfimmut atatillugu inissamik innersuussisoqarsinnaavoq, tassunga ineqarnermut akiliutit akilerneqartassapput/iserternermi qularnaveeqqutit akilerneqassapput maleruaqqusat qaqugukkulluunniit atuuttut tunngavigalugit. Atorfinitsinneqarnermut atatillugu angalanermut akiliussisoqassaaq – aamma – ikinnerpaamik ukiuni pingasuni atorfeqareernermi angerlarnermut akiliussisoqassaaq maleruaqqusat qaqugukkulluunniit atuuttut malillugit.

Atorfimmut tunngatillugu paasissutissat sukumiinerusut pissarsiarineqarsinnaapput forstander Jokum Møller telefonimut 86 76 00 sianerfigalugu imaluunniit e-mail aqqutigalugu jomo@sanilin.gl allaffigalugu.

Qinnuteqaateqarnissamut kingusinnerpaamik piffissarititaasoq taassavoq 25. maj 2017.  

Takukkit aammattaaq:

Teknikimik Ilinniarfik:www.kti.gl, Oqaatsinik Pikkorissarfik:www.oqaatsit.gl, Qeqqata Kommunia:www.qeqqata.gl