Sisimiuni

Teknikimik Ilinniarfik

Kollegiami inspektøritut aqutsisumik

sulisussarsiorpoq

 

Teknikimik Ilinniarfik, KTI Sisimiuniittoq, kollegiami inspektøritut aqutsisussamik sulisussarsiorpoq 1. februaarimi 2018 atorfinittussamik imaluunniit isumaqatigiissuteqarnikkut.

Teknikimik Ilinniarfiup ingerlatarai Inuussutissarsiornermik Ilinniartitaanerit Saviminilerinermik Ilinniarfik Nuummi, Sisimiuni Sanaartornermik Ilinniarfik, Aatsitassalerinermik Ilinniarfik aamma  Ilinniarnertuunngorniarfik (GUX). Sisimiuni aammattaaq ingeniørinngorniarnermik ingerlanneqarpoq, (Artek) Danmark Tekniske Universitetimik. Tamakku saniatigut atuarfimmi akisussaaffigineqarput kollegiani inissiat 356 missaannik amerlassuseqartut, taakku Sisimiuniipput.

Ilinniartitaanernut tunngasutigut aammattaaq pikkorissarnerit ukiumut 90-it missaanniittut ingerlanneqartarput.  

Atorfik pillugu

Kollegiami inspektøritut aqutsisup akisussaaffigaa kollegiap ingerlanneqarnera, tassunga ilanngullugu pædagogiskiusumut kollegiami iliuuserisat, sulisut suliassaasa aamma aningaasaqarnerup pilersaarusiorneqarnerat. Aammattaaq taassuma kantiinap ingerlanneqarnera akisussaaffigissavaa. Kollegiami inspektøritut aqutsisup kollegiami ilitsersuisartut, pedelit aamma sulisut allat suleqatigisassavai. Illuutigisanut tunngasut Illuutigisanut Inspektørip isumagisassavai aammattaaq ilinniarfiup aqutsisui peqatigalugit.

 

Kollegia pillugu

Teknikimik Ilinniarfiup, Sisimiut, ullumikkut kollegiami inissat 356-it aqutarai. Kollegiami pingaarnermi qitiusumik igaffeqarpoq, tassani pikkorissartut sullinneqarnerusarlutik kiisalu atuarfittaviani kantiina ingerlataralugu. Aammattaaq pedelit sullissinerat kollegiamut atavoq.

Kollegiami inspektøritut aqutsisup akisussaaffigisassai

  •          Kollegiap allaffissornerata aqunneqarnera, tassunga ilanngullugit igaffimmi sulisut kiisalu kollegiami ilitsersuisoq
  •          Kollegiamik ingerlatsinerup aningaasaqarnerata akisussaaffiginera
  •          Kollegiami init/inissiat 356-it nakkutigineqarneri
  •          Kollegiani ataasiakkaani pædagogiskiusumik iliuuserisanut pingaarnertut akisussaaffik
  •          Kollegiani init/aamma inissiat pisatassaannik nakkutilliineq aamma pisiniartarneq illuutigisanut inspektøri isumasioqatigalugu
  •          Inissamik pissarsisitsinerup nakkutigisarnera – aamma akuersisartoqatigiit qanimut suleqatigalugit kollegiami inimit aninermit nalunaaruteqartarneq
  •          Atuarfiup nalinginnaasumik ammasarfiata avataani kollegiani pigaartuusarnermut aaqqiinermik pilersaarusiortarneq aamma pigaartuusarnermi peqataaneq
  •          Angajoqqaanut, aqutsisunut kiisalu ilinniakkamik ilitsersuisunut aamma sulisunut attuumassuteqartunut ilisimatitsissuteqartarneq
  •          Kollegianut tunngatillugu suleriaatsinik periutsinillu pitsanngorsaaneq aamma assigiiaarineq
  •          Kollegiarmiunik pisariaqartitsineq aamma kissaateqarnerit malillugit oqaloqateqartarneq.

 

Naatsorsuutigaarput illit:

  • Pillagaasimannginnermut uppernarsaat
  • Tulluartumik pædagogiskiusumik ilinniagaqarsimaneq imaluunniit inuusuttut pillugit suliaqarsimanermut misilittagaqarneq
  • Biilersinnaanermut allagartaq, kisianni piumasaqaataanngilaq
  •          Excel regnearkimik ilisimasaqarneq iluaqutaassaarlu Økonomisystem XAL / elektronisk kreditorsystem IRIS-imik ilisimasaqarneq (ilinniartitsisoqassaarli).

Aammattaaq illit:

  • suliassanik assigiinngitsunik ataatsikkut ingerlatsisarneq sungiusimasuuat, ulluinnarni sulininni tulleriiaarisinnaallutit
  • suliassanik aallarniuteqarusussuseqartuuvutit aamma isumagissaartuullutit
  • oqaaseqatigiiliornissamut piginnaaneqarluartuuvutit allakkatigut aamma oqalunnikkut
  • marluinnik oqaaseqartuuneq iluaqutaassaaq (kalaallisut aamma danskisut)
  • sungiussiasuuvutit aamma qanoq ilinniarsimaneq apeqqutaatinnagu suleqatigiinnissaq merserinngilat.

Neqeroorutigaavut

  •          atorfik pissanganartoq aamma nammineerfiusoq suliassanik assigiinngissitaartunik suliassartalik immikkoortortaqarfimmi pitsaasunik suleqateqarfiusumi
  •          suliffimmi tamarmi attaveqaatit kiisalu suleqatit amerlasuut
  •          inuttut aamma suliatigut ineriartornissamut periarfissaq

Aningaasarsiat aamma atorfeqartitaanermi atugassarititaasut

Akissarsiat aamma atorfeqartitaanermi atugassarititaasut, tassunga ilanngullugit atorfininnermut atatillugu akiliunneqarluni angalanissamut aamma soraarnermut atatillugu angalanissamut aamma pequtit assartorneqarnissaannut pisinnaatitaaffiit, Namminersorlutik Oqartussat aamma pineqartup kattuffiata isumaqatigiinniarsinnaatitaasup atorfinitsitaanerup nalaani isumaqatigiissut/kattuffiup isumaqatigiissutai naapertorlugit ingerlanneqassapput.

Qinnuteqaateqartunut tjenstemanditut atorfeqareersunut Kalaallit Nunaanni tjenestemandinut inatsit tunngavigalugu, taava tjenestemanditut atorfinitsinneqarneq pisinnaavoq. Tjenestemanditut atorfinitsitsisoqassappat atorfinitsitsineq Kalaallit Nunaanni Namminersornerullutik Oqartussani kommuninilu tjenestemandit pillugu Inatsisartut inatsisissaat nr. 21, 18. december 2003-meersoq tunngavigalugu ingerlanneqassaaq.

Piffissaq suliffiusoq sapaatit akunnerannut nal. akunneri 40-pput.

 

 

Ineqarneq

Atorfimmut atatillugu maleruagassat qaqugukkulluunniit atuuttut tunngavigalugit sulisunut inissiamik pequsersorsimanngitsumik innersuussisoqarsinnaavoq. Maleruagassat qaqugukkulluunniit atuuttut tunngavigalugit inissiamut innersuussutigineqartumut akiliutit aamma iserternermi qularnaveeqqutit akilerneqassapput. Ineqarnermut akiliutit aamma inissiap pitsaassusia nikerarsinnaapput inissiap qanga sananeqarsimanera, piginnittua il.il apeqqutaallutik. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat sukumiinerusut

Atorfik pillugu paasissutissanik amerlanerusunik pissarserusukkuit nangaassuteqarnak forstanderi Jokum Møller telefon +299 86 76 00, imaluunniit e-mailsi@sanilin.glattaveqarfigisinnaavat.

Kingusinnerpaamik qinnuteqarfissaq tassaavoq ulloq 4. januar 2018. Uagut qinnuteqaatit ingerlaavartumik nalilersornissaannut aalajangiiffiginissaannullu immitsinnut periarfissippugut.

 

Qinnuteqaat

Qinnuteqaammut ilassapput namminermut tunngasut (CV) ilinniagaqarsimanermut uppernarsaasersuutit aammattaaq ilanngussat naleqquttut. Allaganngorlugu qinnuteqaat paasissutissat naleqquttut ilanngullugit nassiunneqassaaq uunga: si@sanilin.gl

Nittartagarput takuuk: www.kti.gl

Aammattaaq illoqarfiup nittartagaa takuuk: www.qeqqata.gl