Teknikimik Ilinniarfik, KTI

Illuutinik nakkutilliisumik

pissarsiorpoq

Teknikimik ilinniarfimmut ilaapput EUD (Saviminilerineq) Nuummi aamma EUD (Sanaartorneq), Aatsitassalerinermik ilinniarfik aamma Ilinniarnertuunngorniarfik (GUX) oqaatsinillu pikkorissartitsinerit Sisimiuni ingerlanneqarput. Taamatuttaaq Sisimiuni atuarfik ingeniørinngorniarluni ilinniarfimmit atorneqarpoq DTU-mit ingerlanneqartumit (Artek). Ilinniartitaanernit aammattaaq ukiumut pikkorissartitsinerit 90 missaannik amerlassuseqartut ingerlanneqartarput

Teknikimik Ilinniarfimmut ilaapput Sisimiuni kollegiani ineeqqat 365-it sinnerlugit kiisalu katillugit 28.000 kvadratmeterinik annertussuseqartut illuutigaavut.

Illuutinik nakkutilliisutut atorfimmi periarfissaqassaatit Teknikimik Ilinniarfiup, KTI, ataani atuarfiup aamma kollegiat ineriartorteqqinneqarnissaanut qitiusumik inissisimanissannut. Atuarfik ajunngitsumik ineriartorpoq aamma ukiuni aggersuni suliniutinik unamminartunik nutaanik takkuttoqartussaavoq, tassa illuutinik pigineqareersunik ingerlatsinermut aamma aserfallatsaaliuinermut tunngatillugu, taakku pitsanngorsarneqarnissaannut aamma nutaanik sanaartornissamut naatsorsuutigineqartumut tunngatillugu.

Forstanderi, allaffissornermut pisortaq, ilinniarfimmi ilinniartitaanermut pisortat pingasut, rektori aamma kollegieinspektøri peqatigalugit aqutsinermik suliaqarnermut peqataasaatit, siunissamut tunngasut aamma allaffissornermut tunngasut eqqarsaatigalugit.

Taamaalillutit inissisimaffimmi suliatigut aamma inuttut ineriartornissamut periarfissaqalissaatit. Suliffeqarfimmi qitiusumik inissisimaneq aamma aqutsisutut akisussaassuseqarneq qinnuteqaateqartumut tulluartumut kajumissuseqartitsissaaq. Iluatsitsinissamullu pingaaruteqarluinnarpoq illit illuuutinut tunngatillugu suliassanik naammassinnissinnaanissat. Tamakku atuarfiup ingerlaneranut aamma ineriartorneranut tapertaassapput pitsanngorsaataallutillu. Tamatumunnga ilutigitillugu illit qulakkiissavat ingerlatsinermi suliassat pikkorissumik ingerlanneqarnissaat. 

Illuutinik nakkutilliisoq forstanderimut aamma allaffissornermut pisortamut akisussaassuseqarpoq. Atorfik nutaajuvoq annertuumik sulisunut akisussaaffittaqartoq, ilaatigut kollegiani pedelinut aamma atuarfinni pedelinik ingerlatsisunut aammattaaq Sisimiuni Nuummilu eqqiaasutut sulisuusunut.

 

Atuarfik ilinniagaqarfiuvoq nutaaliaasoq atuartitsinermi atortunik pisariaqartunik tamanik atortoqartoq. Atuarfik ingerlaavartumik ineriartorpoq aamma ingerlaavartumik annertusaavugut ingerlatsinernik inuiaqatigiit aamma inuusuttut kissaatigisaat ingiaqatigalugit. Atuarfiit Sisimiuni Sanaartornermik Ilinniarfik aamma Nuummi Saviminilerinermik Ilinniarfik januaari 2011 ataatsimoortunngorlugit kattutsinneqarput.

Illuutinik nakkutilliisutut ilaatigut suliassaraatit

 

  •          Sisimiuni aammalu Nuummi atuarfinnik aamma kollegianik ingerlatsinermi aamma aserfallatsaaliuinermi aqutsinermik isumaginninneq
  •          Aserfallatsaaliuinermik pilersaarusiorneq aamma missingersuusiorneq
  •          Pedeleqarfinnut suliassanik ingerlatitsisarluni
  •          Aserfallatsaaliuinermik aamma nutarsaanermi suliniutinik ingerlatsinerit
  •          Pisisarfigisanik isumaqatigiinniartarnerit.

Uagut naatsorsuutigaarput

  •          Maskinmesteritut, bygningskonstruktøritut, facility management atuarsimallugu, vvs-ingeniøritut imaluunniit tulluartumik assassornermik ilinnigaqartuusutit illuutinik ingerlatsinermik immikkut piginnaasaqartuullutit
  •          Ingerlatsinermi, siunnersuinermi imaluunniit sanaartornermi sulisimanermik tulluartumik misilittagaqartuusutit
  •          Illit namminersorlutit suliassanik pilersaarusiorneq, ingerlatsineq aamma uppernarsaasersuineq ingerlassinnaagit tamatumunnga ilanngullugit sulisussanik pissarsineq, nakkutilliineq aamma suliamik ingerlatsinermik nakkutiginninneq
  •          Aningaasaqarnermut aamma inatsisinik attuumassuteqartunik paasisimasaqartuusutit
  •          Sananermi suliassanik siunnersuisartut suleqatigalugit ingerlatsinermik misilittagaqartuusutit
  •          Sullissinermik nuannarisaqartuusutit, pitsaassutsimik pingaartitsisutit, eqaatsumik periuseqartutit aamma pisariaqartillugu immikkut iliuuseqarsinnaassuseqartutit
  •          Allattariaqarsornikkut aamma oqalunnermi attaveqaqatigiillaqqissuusutit marluinnik danskisut aamma kalaallisut oqalussinnaaneq iluaqutaassaaq.

Uagut neqeroorutigaavut

 

  •          Suleqatit aallussilluartut
  •          Akisussaassusermik annertuummik aamma nammineerluni suliassaqarnissamut periarfissat
  •          Suliffeqarfik ineriartortoq pinngortitarsuarmi imaannaanngitsumi unamminartunik periarfissaqarluartumik soorlu aallaaniarnermut aamma aalisarnermut.

Atorfik sapinngisamik piaartumik inuttaleqarniarpoq imaluunniit isumaqatigiissuteqarneq tunngavigalugu.

Aningaasarsiat aamma atorfeqartitaanermi atugassarititaasut

Aallaavigineqassaaq isumaqatigiissutit tunngavigalugit atorfinitsitsisoqarnissaa, qinnuteqaateqartoq tjenestemanditut atorfeqareerpat Kalaallit Nunaanni tjenestemanditut atugassarititaasut tunngavigalugit atorfinitsitsisoqarsinnaavoq.

Aningaasarsiat atorfinitsitaanermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pequtillu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq

Atorfimmut atatillugu maleruagassat qaqugukkulluunniit atuuttut tunngavigalugit sulisunut inissiamik pequsersorsimanngitsumik innersuussisoqarsinnaavoq. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Kingusinnerpaamik qinnuteqarfissaq 15. januar 2018.

Qinnuteqaatit takkunneri ilutigalugit suliarineqartassapput.

Paasissutissat atorfimmut tunngasut sukumiinerusut forstander Jokum Møller telefon +299 867600 saaffigalugu pissarsiarineqarsinnaapput, imaluunniit e-amil: jomo@sanilin.gl

Nittartagarput aammattaaq takuuk: www.kti.gl

Qinnuteqaat ilinniagaqarsimanermut aamma siusinnerusukkut suliffigisimasat pillugit paasissutissat, soraarummeersimanermut uppernarsaatit il.il. ilanngullugit nassiunneqassaaq uunga: si@sanilin.gl.

Qinnuteqaateqartut Kalaallit Nunaata avataani najugaqartut Kalaallit Nunaat pillugu paasissutissat annertunerusut uani takusinnaavaat: www.nanoq.gl sulisussarsiornerup ataani.