Teknikimik Ilinniarfik, KTI

HR-imut pisortassarsiorpoq

 

 

Teknikimik Ilinniarfik, KTI, sulisoqarnermut pisortamik Sisimiuni inissisimasussamik 1. februari 2018-imi imaluunniit isumaqatigiissuteqarneq tunngavigalugu atorfinittussamik sulisussarsiorpoq.

Teknikimik Ilinniarfiup ingerlatarai Inuussutissarsiornermik Ilinniartitaanerit Saviminilerinermik Ilinniarfik (Nuuk), aammattaaq Sanaartornermik Ilinniarfik kiisalu Sisimiuni sanaartornermi nunagissaanermut aamma aatsitassalerinermut tunngasut, Ilinniarnertuunngorniarfik (GUX) kiisalu oqaatsinik pikkorissartitsisarnerit. Sisimiuni ilinniarfiup aammattaaq ingeniørinngorniarnermik ingerlanneqarpoq, Center for Arktisk Teknologimit (Artek) Danmark Tekniske Universitetip -mit akisussaaffigisaanik. Ilinniartitaanernut tunngasutigut aammattaaq ilinniaqqittarnernut pikkorissarnerit ingerlanneqartarput, ukiumut sapaatit akunnerini 150-inut amerlassusillit assigalugit.  

Sulisoqarnermut Pisortatut atorfimmi periarfissaqassaatit Teknikimik Ilinniarfiup, KTI, ineriartorteqqinneqarnissaanut qitiusumik inissisimanissannut. Atuarfik ajunngitsumik ineriartorpoq, aamma ukiuni aggersuni unamminartunik suliniutinik nutaanik takkuttoqartussaavoq. Sulisut katillugit maannakkut 150-it missaanniipput, taakkunannga sulisut 35-t missaanniittut Nuummi atorfeqartuullutik. 

Ilinniarfimmi aqutsisut peqatigalugit sulisoqarnermut tunngasunik suliassanik suliaqartarnermut peqataasaatit.

Taamaalillutit inissisimaffimmi suliatigut aamma inuttut ineriartornissamut periarfissaqalissaatit. Suliffeqarfimmi qitiusumik inissisimaneq aamma aqutsisutut akisussaassuseqarneq qinnuteqaateqartumut tulluartumut kajumissuseqartitsissaaq. Iluatsitsinissamullu pingaaruteqarluinnarpoq illit sulisoqarnermut tunngatillugu iliuusissat suunerannik saqqummiussisinnaanissat aamma atuuttunngortitsisinnaanerit, tamakku atuarfiup ingerlaneranut aamma ineriartorneranut tapertaassapput pitsanngorsaataallutillu, taamaalilluni qaqugukkulluunniit piginnaasat eqqortuujuassallutik. Tamatumunnga ilutigitillugu illit qulakkiissavat ingerlatsinermi suliassat eqqortumik ingerlanneqarnissaat. 

Sulisoqarnermut Pisortaq allaffissornermut pisortamut akisussaassuseqarpoq.

Sulisoqarnermut, aningaasaqarnermut aamma ilinniartitaanermut pilersaarusiornermi sumik suliaqarneq aamma ilinniartitaanermut immikkoortortat Sisimiuniinnersut Nuummiinnersullu apeqqutaatinnagit pilersaarusiorneq allaffissornermut pisortaq qanimut suleqatigalugu ingerlatissavatit.

Akisussaaffigisassatit pingaarnerit tassaassapput:

-       Aqutsisut, sulisut sinniisai aamma sullivimmi avatangiisinut sinniissutitaasut anguniakkanik aamma iliuusissanut pilersaarutinik iluarisimaarinninnermik aamma suliaqarsinnaassutsimut siuarsaasut tapersersortassallugit.

-       Apeqqutit aningaasarsianut aamma sulisunut tunngasut, ilanngullugit isumaqatigiinniarnerit

-       Aqutsisut sulisunut ilisimatitsissutaasa saqqummiuttarnissaat- intranet aamma atorlugu

-       MUS-imut aamma LUS-imut tunngatillugit oqaloqateqartarnerit aqutsisut peqatigalugit ataqatigiissaarlugit aamma malitseqartillugit

-       Immikkoortortaqarfinni ataasiakkaani ilinniartitaanernut aamma ilinniaqqinnissanut pilersaarutit aallartittarlugit, ingerlatittarlugit siuarsartarlugillu

-       HR-imut politikkit aamma maleruaqqusat suliaralugit nutartertarlugillu

-       Avataani ingerlatsisunut attaveqarneq (soorlu ilinniarfinnut aamma sulisartut kattuffiinut).

Tamatumunnga ilutigitillugu pingaaruteqartunik suliassaqassaaq makkununnga tunngatillugu:

 

-       Ilinniarfiup suliffeqarfittut kajuminnassusianik nittarsaassineq

-       Sulisoqarnermut tunngatillugu iliuusissanik ingerlaavartumik nutarterineq

-       Suliffeqarfimmi piginnaasat qaffasissusiat qulakkeerniarlugit aamma pitsanngorsarniarlugit iliuusissat nutaat, soorlu aqutsisutut ineriartorneq

-       Sulisoqarnermut aqutsinermut tunngatillugu allaffissornermi iliuusissanik suliaqarneq aamma nutarterisarneq.

Piginnaasat - Suliatigut pikkorissuseqarneq aamma annertuunik angusinnaasaqarneq

Atorfinittussaq piukkunnaateqartoq tulluartumik atuagarsornikkut tunngaveqassaaq HR-imut tunngatillugu sulianut misilittagaqarluartuulluni maannakkullu HR-imut tunngasunik suliaqartooreerluni. Sungiusimalluarpat HR-imut tunngatillugu ukioq kaajallallugu suliaqarnissamik pilersaarut tamatumalu ingerlaavartumik nutarternissaa piginnaaneqarfigalugu. Sulinermut tunngatillugu IT-mi atortut atornissaat ajornartorsiutiginngivippat, marluinnillu oqaaseqaatsinik atuisinnaalluartuunerit iluaqutaassalluni kisianni pinngitsoornani piumasaqaataanngilaq.


Suliatigut HR-imi suliassanut apeqqutinut tunngatillugu tunngavigisatit pitsaasuupput, aammattaaq tamatumunnga ilutigitillugu piumassuseqarputit, aamma piginnaasaqarfigalugu siunissami qaffasinnerusumik ingerlariaqqinnissat.


Atuarfimmut tunngatillugu naleqartitanik erseqqissumik tunniussisinnaanerit aamma iliuutsinik nutaanik atuutilersitsisinnaanerit naammassinnissinnaanerillu illit iluatsitsinissannut pingaaruteqarput.

Piumasaqaataavoq atorfimmi eqaatsumik periuseqarnissat, tassa sumiiffinni assigiinngitsuni ataatsimiinnernut akuttunngitsumik illit peqataasarnissat pissutigalugu.

Aningaasarsiat aamma atorfeqartitaanermi atugassarititaasut

Aallaavigineqassaaq isumaqatigiissutit tunngavigalugit atorfinitsitsisoqarnissaa, qinnuteqaateqartoq tjenestemanditut atorfeqareerpat Kalaallit Nunaanni tjenestemanditut atugassarititaasut tunngavigalugit atorfinitsitsisoqarsinnaavoq.

Aningaasarsiat atorfinitsitaanermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pequtillu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq

Atorfimmut atatillugu maleruagassat qaqugukkulluunniit atuuttut tunngavigalugit sulisunut inissiamik pequsersorsimanngitsumik innersuussisoqarsinnaavoq. Maleruagassat qaqugukkulluunniit atuuttut tunngavigalugit inissiamut innersuussutigineqartumut akiliutit aamma iserternermi qularnaveeqqutit akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliutit aamma inissiap pitsaassusia nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat atorfimmut tunngasut sukumiinerusut forstander Jokum Møller saaffigalugu pissarsiarineqarsinnaapput, telefon +299 867600.

Qinnuteqaat

Qinnuteqaat ilinniagaqarsimanermut aamma siusinnerusukkut suliffigisimasat pillugit paasissutissat, soraarummeersimanermut uppernarsaatit il.il. ilanngullugit nassiunneqassaaq uunga: si@sanilin.gl.

Qinnuteqarnissamut kingusinnerpaamik piffissarititaasoq tassaavoq 4. januar 2018. Immitsinnut pisinnaatippugut qinnuteqaatit ingerlaavartumik nalilersortarnissaannut.

Nittartagarput takuuk: www.kti.gl

Illoqarfiup nittartagaa aammattaaq takuuk: www.qeqqata.gl

 

Qinnuteqaateqartut Kalaallit Nunaata avataani najugaqartut Kalaallit Nunaat pillugu paasissutissat annertunerusut uani takusinnaavaat: www.naalakkersuisut.gl sulisussarsiornerup ataani.