Titel

Teknikimik Ilinniarfik, GUX Sisimiut ilinniartunut siunnersortimik pissarsiorpoq.

Teaser

Unamminartut nutaat piareersimaffigigukkit aamma ilinniartuutitta tapersersornissaannut piginnaasat pigigukkit, taava illit pissanganartorujussuarmik suliffissaqartippatsigit.

Uagutsinnut pingaaruteqartuuvoq – minnerunngitsumillu ilinniartunut illit ilinniartunut siunnersortitut ilinniarsimasakkut aamma inuttut tunngavissaqarluarnerit aammalu pilerigissagit pisinnaasaqarfigalugulu inuusuttunik sullissinissat aamma ilinniartitaanermi sulinissat.

Piareersimassaatit ilinniarnertuunngorniat ilinniartitsisuinik suleqateqartarnissarnut, aammalu immikkut klasselærerit mentorillu suleqatigisarnissai pingaartillugit.

Kalaallit Nunaanni ilinniartitaaneq pillugu nittartakkami uani www.iserasuaat.gl Kalaallit Nunaanni ilinniarnertuunngorniarfiit (GUX) pillugu annertunerusumik atuagaqarsinnaavutit takusaqarsinnaallutillu.

GUX-Sisimiut / KTI

GUX Sisimiut immikkoortortaqarfiuvoq ilinniakkanik ingerlatsiviup KTI-p ataani, Nuummi aamma Sisimiuni ingerlataqartuusup.

Uagut sulissutigaavut ilinniagaqarfimmik aamma ilinniaqatigiiffimmik uummaarissunik aamma aallussilluartunik ilinniartoqartumik pilersitsinissaq ilikkagaqarfiulluartumillu, tassunga ilaapput Ilinniarnertuunngorniarfik, Aatsitassalerinermik Ilinniarfik, EUD aamma DTU. 

Ilinniakkanik ingerlatsivik KTI ilinniakkanik ingerlatsivittut nutaaliatut ingerlavoq, tassani pigineqarput atortussat pisariaqartinneqartut tamarmik, misissuisarfiit aamma init ilinniartitsiffiusartut.

KTI ineriartortuartuuvoq aamma ingerlaavartumik annertusiartortitsivoq ilinniakkanik nutaanik aamma ilinniartitsiffinnik, tassani inuiaqatigiit pisariaqartitaat aamma inuusuttut kissaatigisaat tunngavigineqarlutik.

Kulturit assigiinngitsut aamma inuit misigissusiinik paasinnittarnermut piginnaasat aammattaaq inuusuttunik suleqateqarusunneq soorunami qitiullutik pædagogikimi  pingaarnersaapput.

Ilinniartunut siunnersortitut ilaatigut suliassaraatit:

  •          GUX-mut qinnuteqartut ilitsersuullugit
  • GUX-mi ilinniartut ilitsersuullugit
  • Ilinniartitsisut, klasselærerit aammalu mentorit suleqatigalugit
  • Kollegiami allaffik, KTI-llu ilinniarfeqarfiani tamani ilitsersuisut suleqatigalugit
  • Meeqqat atuarfiit ilinniarfeqarfiillu suleqatigalugit
  • Angajoqqaat suleqatigalugit
  • Ilinniartut ulluini aaliangersimasuni peqataaneq

Uagut naatsorsuutigaarput,

  •          Illit assersuutigalugu perorsaasutut ilinniagaqarsimasuusutit imaluunniit allamik tulluartumik inunnik isumaginninnermut tunngasumik ilinniagaqarsimasuusutit
  •          Illit attaveqaqatigiinnermut pikkorissuseqartuusutit aamma perorsaanermut suliassanut tunngatillugu akuersaartumik pissuseqartuusutit
  •          Illit namminersorsinnaassuseqartutit pilersaarusiortuullutillu
  •          Illit inuusuttunik sullissinissamik piumassuseqartuusutit
  •          Illit inuusuttut ilinniagaqartut siunissaannik pilersitsinissamut peqataanissat unamminartuutillugu isiginnittuusutit
  •          Illit misigittartuusutit aamma piareersimasutit inuusuttut tapersersornissaanut


Uagut neqeroorutigaavut

  •          Suleqatit aallussilluartut
  •          Akisussaassusermik annertuummik aamma nammineerluni suliassaqarnissamut periarfissat
  •          Suliffeqarfik ineriartortoq
  •          Nammineq suliffeqarneq

Akissarsianut – atorfinitsitaanermilu atugassarititaasut

Akissarsianut - atorfinitsitsinermullu atugassarititaasut, taakkualu ataanni angalanernut pisattallu nassiunneqarnissaannut Naalakkersuisut atorfinittussallu kattuffiata akornanni isumaqatigiissutit atuuttut naapertorlugit ingerlanneqassapput.

Inissaq

Malittarisassat sukkulluunniit atuuttut malillugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat sukkulluunniit atuuttut malillugit ineqarnermut akiliutissat qulanaveeqqusiussallu akilerneqartassapput. Inissiap pisoqassusia, kikkut piginnittuunersut il.il. apeqqutaallutik ineqarnermut akiliutit inissiallu pitsaassusia allanngorarsinnaapput. Sulisunut inissiaq atorfeqartitaajunnaarnermi qimanneqassaaq. Sulisunut inissiap inigiviligassap innersuunneqarnissaata tungaanut utaqqisoqartarsinnaavoq, taamaammat utaqqiisaasumik inissiisoqarsinnaasarluni, taamatuttaaq ataatsimoorluni ineqarfissiani mikinerusuni akunnittarfiillu inissiartaanni.

Atorfik pillugu annertunerusumik paasisaqarniaruit nangaassuteqarnak saaffigisinnaavatit rektori Poul V. B. Jensen +299 86 76 12 mobil +299 55 86 77 e-mail poje@sanilin.gl.

 

Kingusinnerpaamik qinnuteqaateqarfissaq ulloq 17/11- 2017 - Atorfik sapinngisamik piaartumik inuttalerneqarusuppoq imaluunniit isumaqatigiissuteqarnikkut.

Qinnuteqaateqarneq

Qinnuteqaammut ilanngunneqassapput paasissutissat imminut tunngasut (CV), aammattaaq ilinniaqarsimanermut uppernarsaatit aamma ilanngussassatut allat naleqqutut. Allaganngorlugu qinnuteqaat paasissutissat naleqquttut ilanngullugu nassiunneqassaaq uunga: si@sanilin.gl.

Nittartagarput alakkarsinnaavat uani:www.kti.gl/ GUX

Kalaallit Nunaat pillugu erseqqinnerusumik paasiaqarusukkuit,www.naalakkersuisuit.gl-mitakuuk.