Allaffeqarfimmi pisortaq Teknikimik Ilinniarfimmut, Sisimiut

Teknikimik Ilinniarfik allaffeqarfimmi pisortaasussamik pissarsiorpoq, Sisimiuni inissisimasussamik, piaartumik imaluunniit isumaqatigiissuteqarneq tunngavigalugu.

Teknikimik Ilinniarfimmut ilaapput EUD (Saviminilerineq) Nuummiittoq aamma EUD (Sananeq aamma Sanaartorneq) Aatsitassalerinermik Ilinniarfik aamma Ilinniarnertuunngorniarfik (GUX) oqaatsinillu pikkorissartitsinerit Sisimiuni ingerlanneqarput. Sisimiuni ilinniarfik taamatuttaaq ingeniørinngorniartunut ilinniarfimmut, DTU-mit ingerlanneqartumut, inissisimaffiuvoq. Tamakku saniatigut ilinniarfimmi ilinniartunut inissiat 360-t miss. Sisimiuniittut akisussaaffigineqarput.

Aningaasaqarnermut aamma allaffissornermut tunngatillugu forstanderip ikiortigissavaatit aamma illit forstanderi, pisortap tullersortaa, ilinniarfiup ilinniartitaanermut pisortai pingasut, rektori aamma kollegiani inspektøri peqatigalugit aqutsisuni ilaassaatit siunissamut pilersaaruteqarnermut taamatullu allaffissornermut tunngatillugu.

Aningaasaqarnermut/ naatsorsuuserinermut/ sulisoqarnermut aamma ilinniartitaanernik pilersaarusiornermut attuumassuteqartunut Sisimiuni aamma Nuummi ilinniarfiit qanimut suleqatigissavatit. Tamatumalu saniatigut ilinniarfiup siulersuisuinik sulissussinermut peqataassaatit.

Pingaarnertut akisussaaffigisassatit tassaassapput:

-          Missingersuusiorneq, missingersuutinik malinnaaffiginninneq aamma naatsorsuutinik saqqummiussineq

-          Ukiut tamaasa siulersuisut aamma Namminersorlutik Oqartussat akornanni angusassat pillugit isumaqatigiissutissamut siunnersuusiortarneq aammattaaq taassuminnga malinnaaffiginninneq

-          Siulersuisunut aamma Namminersorlutik Oqartussanut ingerlatsinerit pillugit missingersuutinik aamma ingerlatsinerit pillugit naatsorsuusiornerit

-          Siulersuisunik sullissineq

-          Ilinniarfimmi atorfinitsitsinernik aamma soraarsitsinernik allaffissornikkut suliaqarneq HR-chef peqatigalugu

-          Naalakkersuisoqarfimmut ingerlatsinermi naatsorsuutinik aamma ilinniartitsisut nalunaaquttap akunnerinik atugaannik nalunaaruteqartarneq.

-          Ilinniartitsisut sulinerminni piffissamik atugaanik nalunaarsuinernik isumaginninneq tamatumunnga ilanngullugit sulinermi qaangiuttoornernik nalunaarsuineq aamma innersuussineq, tamatumani aallaavigineqassapput ilinniartitsisut nalunaaquttap akunnerinik atuinerannut tunngaviusut, pisortap tullersortaa peqatigalugu

-          allaffissornikkut atatqatigiissaarinerit

-          Allaffissornerup iluani sulisut ataatsimeeqatigisarnissai ilisimatinneqartarnissaallu

Uagut naatsorsuutigaarput illit:

-          allaffissornermik aamma aningaasaqarnermik aqutsinermik inuussutissarsiutinik ilinniarfimmi imaluunniit assigisaani misilittagaqartuusutit, kisianni tamanna pinngitsoornani piumasaanngilaq

-          attaveqaqatigiinnermut aamma suleqatigiinnermut pitsaasunik piginnaasaqartutit

-          pimoorussisuusutit aamma nammineerlutik suliassanik pilersaarusiorsinnaasutit aamma tulleriiaarisinnaasutit

-          tulluartumik ilinniagaqarsimanermut tunngaveqartutit (aningaasaqarnermut/ naatsorsuuserinermik), qaffasinnerusumik ilinniagaqarsimaneq iluaqutaassaaq, piumasaqaataananili.

Uagut neqeroorutigaavut:

-          suliffik pissanganartoq aamma unammillernartulik suliassat suunissaannut sunniuteqarnissamut periarfissalik

-          ilinniarfik ineriartorluartoq

-          suleqatit aamma sulisut pikkorissut suliatigut piginnaasaqartut.

Akissarsiat aamma atorfeqartitaanermi atugassarititaasut:

Atorfik akissaateqarfimmi LR 36-mi maanna inissisimavoq.   1. april 2017 LR 36-mi akissarsiat imak isumaqagitiissutigineqarnikuupput qaamammut  Kr. 45.394 ukiumullu Kr. 544.723 tunngaviusumik aningaassarsiarititaasoq tapillu aalajangersimasut ilanngulugit.  

Aallaavigineqassaaq isumaqatigiissutit tunngavigalugit atorfinitsitsisoqarnissaa, qinnuteqaateqartoq tjenestemanditut atorfeqareerpat Kalaallit Nunaanni tjenestemanditut atugassarititaasut tunngavigalugit atorfinitsitsisoqarsinnaavoq.

Aningaasarsiat atorfinitsitaanermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pequtillu nassiunneqarnerannut Naalakkersuisut kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Naalagaaffimmi tjenestemandit aamma AC-p isumaqatigiissutai arlaqartutut tunngavigalugit atorfeqartut, ilaatigut DJØF-ip aamma Finansministeriap akornanni isumaqatigiissut, tunngavigalugu Kalaallit Nunaanni Namminersorlutik Oqartussani atorfinitsinneqarnermut atatillugu atorfigisamit akissarsiaqaataanngitsumik sulinngiffeqarallartoqarsinnaavoq. Taamatuttaaq Indenrigsministeriaqarfimmit kommuninut aamma regioninut inassuteqaataavoq, Kalaallit Nunaanni Namminersorlutik Oqartussani atorfinitsitaanermut atatillugu akissarsiaqaataanngitsumik suliffeqarallarnissamut qinnuteqaateqarnerit akuersaartumik isigineqartarnissaat. Sulinngiffeqarallarnissamut aalajangersakkami ilaatinneqarput Kalaallit Nunaanni Namminersorlutik Oqartussani atorfinitsinneqartup katissimallugu aapparisaa /katissimanngikkaluarlugit aapparisaa.

Atorfinitsinneqarnermut atatillugu angalanermut akiliussisoqassaaq – aamma ikinnerpaamik ukiuni pingasuni atorfeqareernermi angerlarnermut akiussisoqassaaq maleruaqqusat qaqugukkulluunniit atuuttut malillugit.

Piffissami suliffiusumi aallaaviuvoq sapaatit akunneranut nalunaaquttap akunneri 40-t, qaqugukkulluunniit suliartoqquneqariataarsinnaanermut pisussaaffiit ukiumut 320-t kvartalimullu 80-it atorfimmut tunngatinneqartut ilaapput, kiisalu ulluni sulinngiffiusussaagaluartuni sulinermi annaasaqaataasutut ajunngitsorsiassaqartitsisarneq atuutinngilaq.  

Ineqarneq

Atorfimmut atatillugu maleruaqqusat sukkulluunniit atuuttut tunngavigalugit inissamik pequsersorneqanngitsumik innersuussisoqassaaq. Ineqarnermut akiliut aamma iserternermi qularnaveeqqutitut akiliutit akilerneqassapput inissamut innersuussutigineqartumut maleruaqqusat sukkulluunniit atuuttut tunngavigalugit. Atorfeqartitaanermut atatillugu inigisaq innersuussutigineqartoq atorfimmut tunngavoq taamaattumillu suliunnaarnermut atatillugu qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq taakkulu akileraarusersorneqassallutik.

 

Paasissutissat sukumiinerusut:

Atorfimmut tunngatillugu paasissutissat sukumiinerusut pissarsiarineqarsinnaapput atuarfimmi pisortaq Jokum Møller telefonimut +299 86 76 00 sianerfigalugu imaluunniit e-mail aqqutigalugu jomo@sanilin.gl allaffigalugu.

Kingusinnerpaamik qinnuteqaateqarfissatut killiussaq tassaavoq 12. juni 2017. Immitsinnut piginnaatippugut qinnuteqaatit ingerlaavartumik oqaluuserisarsinnaanerannut.

Atorfinitsitsinissamut oqaloqatiginninnissat juni 2017 ingerlanneqarnissaat naatsorsuutigineqarpoq.

Qinnuteqaateqarneq

Qinnuteqaammut ilanngunneqassapput paasissutissat imminut tunngasut (CV), ilinniaqarsimanermut uppernarsaatit aamma ilanngussassat allat tulluartut.

Allaganngorlugu qinnuteqaat paasissutissat pisariaqartut ilanngullugu nassiunneqassaaq uunga si@sanilin.gl

Aammattaaq takukkit:

Teknikimik Ilinniarfik: www.kti.gl, Oqaatsinik Pikkorissarfik: www.oqaatsit.gl, Qeqqata Kommunia: www.qeqqata.gl  

Qinnuteqaateqartut Kalaallit Nunaata avataani najugaqartut Kalaallit Nunaat pillugu paasissutissat annertunerusunik kissaateqartut una alakkarsinnaavaat www.naalakkersuisut.gl.