Ilinniartunik siunnersuineq

Saviminilerinermik Ilinniarfimmi ilinniartut ilinniartut siunnersortaanit siunnersorneqarnissamut ilitsersorneqarnissamullu periarfissaqarput.

Ilinniartunut siunnersortip suliassaraa  illit siunnersorneqarnissat, paasissutissinneqarnissat ajornartorsiutinillu iluarsisariaqakkannik ikiorneqarnissat.

Ilinniarnerpit ingerlanissaanut pilersaarusiornissat immaqa ajornartorsiutigisinnaavat. Fagit ilinniakkatit sanngiiffigisatit pitsanngorsarusussinnaavatit. Immaqa ilinniagaq ilumut qinikkat taannarpiaanersoq immaqa nalornisigisinnaavat, taava taanna unitseriarlugu aallarteqqinnissaq qanoq anigorsinnaaviuk?

Periarfissaqaqaaq – tamakkualu ilinniartunut siunnersortimut oqaloqatigiissutigisinnaavatit.

Ilinniartunut siunnersortittaaq suliassaraa apeqqutinik iliniaqqinnissamut periarfissanik, qanoq ilinniarnissamut qinnuteqartoqarsinnaaneranik, meeraqaraanni qanoq tapisiaqarsinnaanermut tunngasunik, sungiusaatigalugu sungiusarfinnut tunngasunik allarpassuarnillu ilinniarninnut, sungiusaatigalugu sulininnut atukkannullu tunngasunik akisissalluni.

Ilinniartunut siunnersorti ukioq naallugu sap. akunneranut piffissami aalajangersimasumi attaveqarfigineqarsinnaavoq. Ilinniartunut siunnersortip ilinniartunut saaffiginnittarfik qanimut suleqatigaa taamaammallu apeqqutit taaneqareersut ilaat taakkuttaaq akisinnaassavaat.

Ilinniartunik siunnersuineq

Ataasinngorneq	Marlunngorneq	Pigasunngorneq	Sisamanngorneq	Tallimanngorneq
08:00 - 16:00	08:00 - 16:00	08:00 - 16:00	08:00 - 16:00	08:00 - 16:00