Aatsitassalerinermik Ilinniarfimmut franskeq pulaartoq
Bonjour..
Ullumi franskisut oqaatsit atorsinnaasat sungiusassallugit periarfissaqarpoq, tassa Aatsitassalerinermik Ilinniarfiup Caroline Allheily franskit aallartitaqarfianni sulisoq tikilluaqqummagu, taanna maannakkut Nuummiikkallarpoq.
Allheily Kalaallit Nunaata aamma Frankrigip suleqatigiinnerisa annertusarnissaannut aamma ineriartortinneqarnissaannut akisussaasuuvoq tamatumunnga ilanngullugu ilinniartitaaneq.
Ilinniartitaanermut pisortaq Hinrichsen ilinniarfiup siunertaa oqaluttuaraa, tassa kalaallit aatsitassarsiornissamut ilinniartinneqarnissaat aamma manna tikillugu misilittakkat suunersut oqaluttuaralugu.
Frankrigimi aatsitassarsiorneq pitsaasuusimavoq – taamatuttaaq maskiinani aamma atortussanik nioqqutissiorneq. Taamatuttaaq aatsitassarsiornermut ilinniarfeqarpoq tassanngaanniillu misilittakkat pissarsiarineqarsinnaapput.
Naggasiullugu isumaqatigiissutigineqarpoq illugiilluni oqaloqatigiinnerup pitsaasup ingerlateqqinneqarnissaa kiisalu Hans Hinrichsen piffissamik killilerneqanngitsumik franskinik angalaqatigiinnik tikeraarsaavoq.